Жат жазуулар жыйнагы

Ибн Сина

Орто Азия элдеринин даанышман илимпозу, ойчулу, дарыгеры жана акыны-Ибн Сина. Ал Бухарада окуп , араб, перс, индии, грек, рим илим-билим , маданиятын терең өздөштүргөн. 17 жашында илимпоз жана дарыгер катары таанылган. Шахтын дарыгери жана вазири болгон. Анын илимдин бардык тармактары боюнча жазган 280 ден ашуун эмгегинин 160ка жакыны гана бизге жеткен. «Шыпаа китеби», «Нускоо жана насаат китебти», «Илим-билим китеби» аттуу эмгектеринде Аристотелдин философиясын өрчүткөн.

Ибн Синанын философия жана табият боюнча эмгектери көп кылымдардан бери барктуу болгон. Ал медициналык эмгектерди да жазып, анын ысмы Гиппократ менен Галендин катарында турган. Дүйнөгө атагын чыгарган «Дарыгердик илимдин канону» деген эмгеги латынча 30 жолу басылган. Ибн Сина суу, аба аркулуу жугуучу,көрүнбөгөн оору козгогучтар тууралуу гипотезаны Пастерден сегиз кылым мурда айткан. Ал бир нече поэзиялык, прозалык чыгармаларды жараткан.