Шырша шамдарын жағамыз

Ересек «Балбөбек» тобындағы ұйымдастырылған оқу қызметінің конспектісі

Тәрбиеші:Оразова Г.Т

Өтпелі тақырып: «Қош келдің Жаңа жыл»

Білім беру саласы: «Шығармашылық»

Бөлімі: Апликация

Тақырыбы: «Шырша шамдарын жағамыз»

Мақсаты: Жаңа жыл мерекесі және қыс мезгілі туралы білімдерін дамыту; мереке ерекшелігін сезіне білуді үйрету;шыршаны безендіре білуді үйрету;тапсырманы ұқыптылықпен орындауға тәрбиелеу.

Алдын ала жүргізілетін жұмыс: Жаңа Жыл мерекесі жайлы әңгімелесу.

Топтағы шыршаны безендіру.

Қажетті құрал-жабдықтар мен көрнекіліктер: үлестірмелі материалдар,

дайын аппликация үлгілері, сүрткіш.

Билингвалды компонент: шырша- елка,жаңа жыл- новый год, қыс-зима

1.Ұйымдастырушылық кезең

Жылулық шеңбері.

Қол алысып,кәне,біз,

Достасайық бәріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

2.Негізгі бөлім

Балалар шеңберге тұрып,тәрбиешінің іс-әрекетін қайталайды.

Ұйымдастыру-

іздестіру

-Балалар,қазір бізде жылдың қай мезгілі?

-Қыс мезгілінде болатын қандай мерекелерді білесіңдер?

Сөздік жұмыс: шырша,шам.

-Жаңа Жылда не істейміз?

-Шыршаның түсі қандай болады?

-Жаңа Жылда сыйлық алғыларың келе ме?

-Олай болса,шыршамызды безендірейік.Шыршаны немен безендірсек болады?Әрине,түрлі түсті дөңгелектермен.

Фонға шырша берілген,сол шыршаны түрлі түсті дөңгелектермен безендіреміз. Шыршаны безендіруді төменгі жағынан бастаймыз.

Төменгі жағына 3түсті: қызыл,сары,көк дөңгелекті жапсырамыз.Оның жоғарғы жағына: қызыл,сары; оның жоғарғы жағына: қызыл,көк түсті шарларды жапсырамыз.Шыршамыз әдемі болған сияқты,бірақ бір нәрсе жетіспейді.

-Балалар,шыршамызды безендірдік,алайда не жетіспей тұр?

-Дұрыс айтасыңдар,жұлдызша.Түсі қандай?

Ол неше бұрышты?

Жұлдызшаны шыршаның ең жоғарғы жағына жапсырамыз.

Сергіту сәті.

Біз кішкентай баламыз,

Өсіп-өніп толамыз.

Көкке қарап,талпынып,

Күнге қолды созамыз.

Балалармен жеке жұмыс өткізеді.

Қорытынды:

-Балалар,бүгін біз нені безендіруді үйрендік?

-Шыршаны безендіру сендерге ұнады ма?

-Шыршаны.

-Иә,ұнады.

.