Китеп билим булагы

Төлөнбаева Бактыгүл. Чоң-Алай району. Ж.Бөкөнбаев атындагы орто мектебинин башталгыч класстар мугалими.

Китеп – билим булагы

Сабактын максаты: 1. Окуучулар китеп жөнүндөгү билимдерин талкуулашат.

2. Китептин баалуулугун билип, аң-сезимдерин өнүктүрүшөт.

3. Китепти сүйүүгө, жакшы колдонууга тарбияланышат

Жабдылышы: Китептер, учкул сөздөр, плакаттар, сүрөттөр, ырлар, проектор

Жүрүшү:

Уюштуруу

Махфуза:

Өнөрлөрүн көрөлү деп балдардын

Ата энелер, мугалимдер келишти.

Кыргызымдын салты го бул илгертен

Унутпайлы ыссык салам беришти.

Ассалому алейкум меймандар

Арбаңыздар бар болуңуздар.

Назар:

Алгалап заман арыштап кадам

Ушул жерде отурушкан

Атам жана апам

Эжекелер, агайлар сиздерге

1-класстын атынан

Жалындуу ыссык салам.

Хусейин: Китеп менин тунук таза булагым,

Китеп менин өчпөс жарык чырагым.

Сумая: Көптү билип, окуп көрүп китептен

Мекениме талбай кызмат кыламын

Нур: Китепти сүй баркын бил

Китептин көп акылы

Ким китепке дос болсо

Ал ошонун жакыны

Мугалим: Айткылачы балдар, биз окуган китептер эмнеден жасалат экен?

Ибрагим: Китеп кагаздан, ал эми кагаз жыгачтан жасалат.

Юсуф: Мына ушул алтын китеп.

Адамзат ушулдан ар кыл акыл күтөт. Бул китепти окуган айга, күнгө да жетет.

Жумабек: Билим кени китеп

Тарбия кени мектеп

Ким китепти көп окуса

Ал көптү билет.

Умугүлсүн: Андыктан аны барктай билүү керек. Китеп бизге чын жолдош.

Инценировка:

“Эки китептин маеги”

Бул жомокто табышмак жок

Китептерде айып жок

Кандай окуучу экениңди

Жандырмагын өзүң талда.

Муса: Ким китепти кирдетсе

Китеп баркын билбесе

Жулуп алып барагын

Орой койсо бир нерсе

Ал китептин душманы.

Нурия: Ким китепти сүйбөсө

Кадырына күйбөсө

Барактарын шарт айрып

Калжың кулжуң сүйлөсө

Ал китептин душманы.

Марлен: Ким китепти кордосо

Ырайымы болбосо

Сүрөттөрүн уурдаса

Уурдап көнгөн колдорчо.

Ал китептин душманы.

Хор: Баардыгынан ким жаман?

Китеп жырткан шум жаман.

Элнура: Ойлойм өсөт акылым.

Окуй берсем күндө эле

Китеп менен достошуп

Кирем кызык дүйнөгө.

Аширали: Сүттөй таза тилегим

Деңиздей кең талабым.

Көктөй тунук акыйкат

Анын ар бир барагы.

Хор: Ошондуктан баркын бил

Кирдетпестен бир четин

Сыя төгүп булгабай

Таза сакта китепти.

Китеп жөнүндө улуу ойчулдардын сөздөрү:

“Китеп окуган адам окубаган адамдан алда канча жогору турат”

“Мен үчүн китеп алтын тактыдан да кымбат турат”

“ Китепсиз билим жок,

Билимсиз өмүр жок.”

“Акыл айга, билим көккө жеткизет”

“Китеп билим булагы”

“Китеп мүлк, оокат, нан

Китеп окубаган адам наадан.”

Хор: (Китеп ыры)

Мугалим: Демек, биз китепти таза, тытпай колдонушубуз керек экен. Китептен көптөгөн билим алат экенбиз.