Мин яшәп туялмамын

Балам - балакайларым Инде сездә күптән ата-ана - Булсагызда,миңа һаман бала. Йөрәгемнең һәрбер тамырыннан, Сезгә булган сөю-назым тама. Куш-та: Балам - балакайларым, Минем йөрәк майларым. Йөрәгегез кесәсендә, Йөрсен яратуларым. Һаман әле сезне үбеп-сөеп, Сабый чагыгызга кайтасым. Сезнең белән үткән гомеремне Килә тагын бер кат байкасым. Куш-та: Сез дип тибә йөрәгем, Сез дип ата таңнарым. Мәңгелек зур байлыгым, Балам - балакайларым. Тик бәхеттә тусын һәрбер иртә, Юлыгызда һич булмасын киртә. Гомер буе изге догаларым Саклап йөртсен иде сезне биктә. Куш-та: Балам - балакайларым, Бәхет алмакайларым. Сез булганга бу дөньядан Мин яшәп туялмамын. Гөлсем Нәбиуллина.