Катлы пирог.

Камыр өчен. 200 гр.акмай ; 100 гр.шикәр комы ; 1 йомырка шул килеш, икенчесенең сарысын гына кулланабыз; 350-400 гр.он ; 1 чәй кашыгы көпшәкләндергеч( разых- ль) Эчлек. Иттарткычтан чыгарылган күрәгә +2 аш кашыгы шикәр комы +4-5 аш кашыгы кайнар су. Эчлек бик сыекта, каты да булмаска тиеш. Шушы ук тәртиптә икенче кат өчен кара җимеш ( чернослив). Эш барышы. Камырны кул,миксер белән түгел бәрәңге төйгече (толкушка) белән эшлибез. Кул белән эшләгәндә кулның җылысында май эрүчән. *майны шакмаклап турыйбыз *шикәр комын салып май белән бутыйбыз; * 4 аш кашыгы он салып валчык хасил булганчы уабыз ; * бер йомырканы шул килеш, икенчесенең сарысын гына салып болгатып алабыз ; * калган онны + көпшәкләндергеч( разрыхлитель) салып бетереп камырны басып бетерәбез. Артык йомшак булса 4-5 аш кашыгы онны кушарга була. Суыткычка куйгач камыр бераз гына катыбракта китә. Өч кисәккә бүлеп, кисәкләрне аерым элпәгә ( пищевая плёнка) төреп ярты сәгатькә суыткычка куябыз. Ул арада эчлекне әзерлибез. Җимешләрне иттарткычтан аерым чыгарабыз. Шикәр комы, бераз кайнар су кушабыз. Куеда, сыекта булмасын. Камырның зур кисәген табага кул белән җәябез. Күрәгәле катнашманы салабыз, өстенә икенче иң кечкенә камыр кисәген җәябез. Кара җимешле эчлекне салып тигезләп чыгабыз. Иң өскә калган камырны җәеп, бераз гына валчык( йомшартылган акмай+он + шикәр комы) сибеп, берничә урыннан чәнечке белән тишкәләп 180 -170 гр.кызган духовкага куеп пешереп алабыз. Тәмле булсын, сораулар булса ачык коментариеда язып калдырабыз.