Ютәлдән – имбир (2)

Уылган тамыр өстенә кайнар су салып, зур сөлге белән томаланып, йоклар алдыннан ингаляция ясарга да була. Яки ике лимонның согын сыгып, 1 л су, 2 аш кашыгы уылган имбир, бераз лемонграсс үләне кушалар да, сүрән утта 10 минут пешергәч, төнәтәләр, сөзәләр, берничә тамчы лимон согы өстәп эчәләр. 1 литр суга телемләп туралган имбир һәм дарчин таякчыгы салып, кайнатып чыгаралар, сүрән утта 30 минут пешерәләр, сөзеп, бал һәм эрбет чикләвеге кушалар да, җылы килеш эчәләр. Ярты литрлы банкага 250 г чистартып туралган имбир тамыры салып, тулганчы аракы яки спирт өстиләр, 3 көнгә бер тапкыр болгатып, 2 атна төнәтәләр, сөзеп, бал кушалар. Ашаганнан соң, 1 чәй кашыгы төнәтмәне 100 г суга кушып эчәләр.