Достошуу жомогу.

Чана менен экөө ар кими өзүн кыйын сезип талаша кетет.

-Мен сенден күчтүүмүн дейт чана.

-Сен мага жетпейсиң- дейт лыжа.

Экөө бири-бирине сөз бербей көпкө талашты. Айтышкандан эч пайда чыкпагандан кийин жарышмак болушту. Лыжа болпок кардын үстү менен бир топ жерге чейин барып артын караса чана карга көмүлүп бир ордунда туруп калыптыр.

-Айтпадым беле сенден күлүкмүн деп, эми ишендиңби - деди лыжа.

-Андай кыйын болсоң, кел башка жерден жарышалы- деди чана. Лыжа макул болду. Чана көк жылгаяк музга лыжаны ээрчитип келип экөө катарга туруп анан жарышты башташты. Чана көк муз үстүндө зуулдап кетип жатып артына кылчайса, лыжа эки буту эки жака кетип жыгылып калыптыр. Күлүп келип лыжаны тургузат.

-Сен жыгылганда мынчалык күлгөн эмесмин деп таарынгансыйт лыжа.

_Кечирип кой -дейт чана уялып. Кел мага отуруп муз теп дейт. Анан чана лыжаны үстүнө отургузуп жылгаяк тебишет. Лыжа чананы отургузуп кардын үстүндө ой кырларды аралап көңүл ачышты.

Ошондон бери экөө эН жакын дос болуп калышыптыр.