Жат жазууну баалоо

Окуучунун жат жазуусун баалоо.

Мугалимдин маанилүү милдетинин бири бул - баланын жазган жат жазуу ишин туура баалоо болуп саналат. Жат жазууну баалоо - атайын иштелип чыккан, көп жылдык практиканын сыноолорунан, түрдүү талдоолорунан өткөн критерийлердин негизинде ишке ашат.

Баалоо - беш баллдык системага ылайык "5", "4", "3", "2" жана"1" деген баалар менен бааланат. Алардын ар бири өз-өз деңгээлине жараша баланын сабаттуулугунун деңгээлин аныктап, журналга белгиленет.

"5" деген баа - иш таза жазылып, грамматикалык тапшырмалары туура аткарылса, бирок одоно эмес бир орфографиялык же пунктуациялык ката жиберилсе коюлат.

"4" деген баа - иш таза жазылып, бирок грамматикалык тапшырмаларды аткарууда 2 орфографиялык - пунктуациялык ката кетирилсе коюлат.

"3" деген баа - иш негизинен таза жазылып, өзүнүн оңдоолору бар, ошону менен бирге грамматикалык тапшырмалардан 2 жана орфографиялык - пунктуациялык 5тен ашпаган ката кетирилсе коюлат.

" 2" деген баа - иш булганыч аткарылып, ошого жараша грамматикалык- пунктуациялык жактан 8ден ашык ката кетирилсе коюлат.

"1" деген баа - иш аткарылбай, жалпы 12ден ашык ката кетирилсе коюлат.