Урок башкирского языка

Тема: Тән ағзалары, шәхси гигиена.

Маҡсат: 1.Башҡорт теленән алған белемдәрен нығытыу; телмәр логик фекерҙе үҫтереү.

2. Уҡыусыларҙың уйлау- фекерләү, аралаша белеү һәләттәрен, иғтибарлыҡтарын үҫтереү

3. Уҡыусыларҙа таҙалыҡ, бөхтәлек кеүек сифаттар тәрбиәләү.

Йыһазландырыу:дәреслек, таблица, слайдтар, карточкалар.

Дәрес барышы. слайд1

I.Ойоштороу мәле. (Психологик уңай тыуҙырыу).

- Һаумыһығыҙ, уҡыусылар!

-Хәлдәрегеҙ нисек?

- Күҙҙәрегеҙ менән бер-берегеҙгә ҡарап йылмайығыҙ.

- Бер-берегеҙгә ҡулығыҙҙы биреп күрешегеҙ

- Иркен итеп танауығыҙ менән тын алдыҡ .

- Ултырҙыҡ.

-Уҡыусылар, бөгөн дәрестә күҙҙәрегеҙ ҡарап ҡына тормаһын – күрһендәр, ҡолаҡтарығыҙ тыңлап ҡына тормаһын – ишетһендәр. Иғтибарлы булығыҙ. Мин һеҙгә уңыштар теләйем.

Артикуляцион күнегеү. слайд 2

Бына танауым

Был минең ҡашым.

Күҙем, ҡолағым,

Ә бына башым.

1. - Уҡытыусының өлгөлө уҡыуы.

2. – Балалар уҡый.

3. – Бергәләп уҡыу.

Маҡсатҡа сығыу.

• Балалар беҙ һеҙҙең менән нимә тураһында уҡыныҡ?

• Быларҙы бер һүҙ менән әйтегеҙ.

• Эйе, бөгөн тән ағзалары тураһында һөйләшәсәкбеҙ.

• Тағы ла тәндең ниндәй ағзаларын беләһегеҙ?

Төп өлөш.

Слайд 3

264-се күнегеү .

-Һүрәттәргә ҡарағыҙ ҙа, тән ағзаларын әйтегеҙ.Улар ниндәй функция үтәйҙәр.

Инеш әңгәмә.Тән ағзалары беҙгә хеҙмәт итһен өсөн беҙ уларҙы һаҡларға тейешбеҙ.Һаулыҡ – ул ҙур байлыҡ.Һәр бер кешенең бурысы – сәләмәтлеген һаҡларға өйрәнеү. Һаулыҡты һаҡлау өсөн тәнде тәрбиәләүҙең ҡайһы бер ҡағиҙәләрен белеү мөһим. Улар медицина фәненең «Гигиена» тигән махсус бүлегендә өйрәнелә.

• Нимә ул гигиена?

Дәфтәрҙә эш.

-Бөгөнгө числоны яҙабыҙ.

-270 –се күнегеүҙе башҡарабыҙ. Һөйләмде яҙып бөтөр. Слайд 4

Зәлиә гимнастика (эшләй)

Айрат урынын (йыйыштыра)

Олег иртәнге аш( ашай)

Зөлфиә мәктәпкә (бара)

Телефон (шылтырай)

-Ошо һөйләмдәрҙә кем һаулығын ҡайғырта?

263 –сө күнегеү. Һүрәттәргә тура килгән һөйләмдәрҙе яҙығыҙ. Слайд 5.

Олеся тешен таҙарта.

Самат мәктәпкә бара.

Ял минуты.

Карточкалар менән эш . Нөктәләр урынына тейешле ялғауҙар ҡуйығыҙ.

Минең Һинең Уның

баш... баш... баш...

ҡаш... ҡаш... ҡаш...

күҙ... күҙ... күҙ...

ҡул... ҡул... ҡул...

танау... танау... танау...

Балалар бер- береһен тикшерә.

Бер – ике һөйләм төҙөргә.

Йомғаҡлау.

(рефлекция) нөктә урынына тейешле һүҙ әйтегеҙ. Слайд 6

-Бөгөн миңә ... оҡшаны.

-Һаулыҡ һаҡлау өсөн нимә эшләйһегеҙ?

-Эйе, саф һауала йөрөргә кәрәк......

Баһалау.

Өйгә эш:

Карточкалар таратыла. Төшөп ҡалған хәрефтәрҙе ҡуйып күсереп яҙығыҙ

Тән өлөштәре: _ул, с_с, ба_ , ҡа_ , барма_ тар, ая_тар, к_ ҙ, тана_ , ҡола_ .