Уйлэ угын удха шанар тест

Yйлэ үгэ

Yйлэ үгэнүүд юу тэмдэглэдэг бэ?

1) шанар, шэнжэ
 2) үйлэ
 3) юумэ

2. Үйлэ үгэнүүд ямар асуудалнуудта харюусадаг бэ?

 1) хэн? юун?
 2) ямар?
 3) юу хэнэб? яанаб?

3. Доро үгтэһэн үйлэ үгэнүүдэй анхан һуурииень бэшэгты. Жэшээ: харабаб — хара, уншаба — унша

1.үргэлхэ

2) хэлэнэ

3) үзэдэгшни

4) уурлана

4. Мүнөө саг ямар түлэб харуулдаг бэ?

1) мэдүүлһэн
 2) хандаһан
 3) причастна
 4) деепричастна

5. Мүнөө, үнгэрһэн ба мэдээжэ үнгэрһэн сагууд ямар түлэбтэ ороноб?

 1) хандаһан
 2) мэдүүлһэн
 3) причастна
 4) деепричастна

6. Мүнөө сагай залгалтанууд ямар бэ?

 1) -на, -но, -нэ
 2) -ба, -бо, -бэ
 3) -аа, -оо, -ээ
 4) -ха, -хо, -хэ

7. Үгтэһэн үйлэ үгэнүүд сооһоо алиниинь мэдүүлһэн түлэбэй үнгэржэ байһан сагай үйлэ үгэб гэжэ ологты.

 1) унтажа
 2) бэшэбэ
 3) ябахада
 4) ошуужа

8. Мэдүүлһэн түлэбэй үйлэ үгэнүүдые ологты.

Манай республикын ниислэл хото – Улаан-Үдэ – тон гоё һайхан газарта оршоно: Сэлэнгэ Үдэ хоёрой набтар эрьеһээ эхилээд, дээшээ баригданхай. Хото гоё һайхан ба таарамжатай зохид байхаһаа гадна, мүн хүнэй элүүр энхэ байхые харалсаха ёһотой. Хотымнай агаар тортог утаанһаа ба тооһо шоройһоо сэбэрлэгдэхэ, үшөө хэдэн зуугаад модод һуулгагдаха юм. Би арбадахияа дүүргээд, Улаан-Үдэеэ ошохоб.

9. Доро үгтэһэн үйлэ үгэнүүдтэ хандаһан түлэбэй 1-дэхи ганса нюурай залгалтануудые нэмэн бэшэгты.

Шагна

Гүй

Соносо

10. Хандаһан түлэбэй үйлэ үгэнүүдые заагты.

"Тэнюун сэхэ заабари бэедээ шэнгээ, мууе хэнгүй, һайниие дэмжэ, хүн бүхэндэ нигүүлэсхы сэдьхэлээр ханда, үри хүүгэдээ хүндэмүүшэ зангаар һурга. Аяга сайнгаа дээжые өөрөө урид бү уу, орон дэлхэйнгээ амгаланиие сахяашадта зорюулжа үргэ. Айлшандаа эдеэнэй һайниие бари, худалаар хэлэнгүй, хулгай хэнгүй, урагшаа һанаатай яба. Ажалай хүндэһөө бү далтира, арадайнгаа түлөө хамагаараа оролдо", – гэһэн түрэл арадайм нангин захяанууд хирэ тортоггүй мандажа, эсэгымнай һургаал, эхымнай заабари үреэл болонхойл.

11. Текст сооһоо 2-дохи ганса нюурта хандаһан түхэлэй үйлэ үгэ олоод, олоной тоогой 2-дохи нюурай хандаһан түхэл болгон хүсэнэг соо бэшэгты. Жэшээнь: гүй | гүйгты

а) Байгаалиин үзэсхэлэн һайханиие хамгаала, шубуудые бү дайла!
б) Жэгүүртэнэй эрхим һайн нүхэрынь боло, тэдээндэ али болохоор туһа хүргэ!
в) Шубууд болбол манай нүхэд гээшэ гэжэ бү марта!

12. Мэдүүлэлнүүд соо мэдүүлһэн түлэбэй үйлэ үгөөр гараһан хэлэгшэнүүдые заагты.

Хониной шагай хүүгэдэй нааданда ехэ үүргэ дүүргэнэ. Тэрээгээр наададаг наадан олон юм. Хониной шагай дүрбэн түхэлтэй: морин, тэмээн, хонин, ямаан. Хүүгэдэй шагайгаар элдэб наада дуратайгаар наададаг хада айл бүхэн хэдэн үе дамжан суглуулһан олон шагайтай байдаг һэн. Хэнэйхи хэды шагайтайб гэжэ хүүгэд хүршэ айлнуудайнгаа шагайн тоо мэдэхэ ябаа.