Թևավոր խոսքեր

Գորդյան հանգույց-  ըստ հին հունական ավանդության՝ փռյուգիական տոհմապետ Գորդիոսը Զևսի տաճարին է նվիրում իր կառքը, որի լուծը քեղիին էր կապված այնպիսի հնարամտությամբ, որ հնարավոր չէր հանգույցի ծայրերը գտնել ու արձակել։ Ում որ հաջողվեր, նա պետք է տիրեր Ասիային։ Ալեքսանդր Մակեդոնացին պարսկական արշավանքից առաջ Գորդիոսի հանգույցը լուծեց թրի մի հարվածով։

Ավգյան ախոռներ, հին հունական դիցաբանության մեջ Հելլադայի Ավգիաս արքայի աղբակուտակ հսկայական ախոռները։ Հերակլեսը մեկ օրում մաքրում է դրանք՝ այնտեղ ուղղելով Ալփեոս և Պինոս գետերի ջրերը։ Ավգյան ախոռներ արտահայտությունը փոխաբերական իմաստով բարձիթողի վիճակ է նշանակում։

Աքիլեսյան գարշապար արտահայտությունը օգտագործում են ինչ-որ մեկի թույլ, «ցավոտ» կողմը նշելու համար: Այդ կողմը կարող է լինել ինչպես ֆիզիկական այդպես էլ բարոյական: