Сценка "Авар мац1 ц1уне"

«Авар мацI цIуне ва кIочезе тоге!».

(БакIуялда гIодовги чIун «ЦIумадисезул гьаракь»  газета цIалулев кIудада. ТIаде вачIуна кодоб телефонгун гьесул сибтI).

СибтI- Привет, дедуля! Всё хорошо у тебя? Всё окей, да?

КIудада- Кинаб пиривейт букIунеб  магIарулазул. Салам кьезе ккола. Вай, щиб-щибги замана бачIана гурищ. ( ургъел ккараб гIадин бетIер ккола) .

Гьеб цо гаргадироги нахъе рехе, кидаго гьелда жанивги балагьун гьабулеб жого щиб гъарин дур букIунеб?

СибтI- Дедуля , гьаниб жаниб букIуна интернет. Гьаниб киназго бицунеб ва бичIчIунеб мацI  букIуна.

КIудада – Кинаб мацI гьениб букIунеб?

СибтI- ГIурус мацIха, дедуля.

КIудада –ГIурус мацIги лъазе кола гьелда дагlба гьечӏо , дир вас. Амма нилъер умумузул рахьдал  мацIги рехун ва кlочон тезе бегьуларо. Дуда лъалищ ,дир вас, нилъер рахьдал мацI гьеб буго нилъер бечелъи.

СибтI- Лъала, дедуля, лъала. Дида щиб гьабизе дуца гьеб гьикъулеб?

КIудада – Дуда абиларищха дица. Мунги, цогидал гьанжесел лъималги ,эбел-эменги, гIолохъанаб гIелги ,киналго кIалъалел руго гIурус мацIалда.Гьез бицунеб гьечIо нилъер магIарул мацI . Дуда лъалищ нилъер рахьдал мацIалда жаниб бугеб гIакъиллъи, гьелда жаниб бугеб нилъер тарих, маданият?

СибтI- БитIун батила ,дедуля, дуца бицунеб жо. Амма кин бугониги гIурус мацIалда кIалъазе удобно буго. Гьеб мацI киназдаго сверухъ ругелщиназда бичIчIула.

КIудада – Батизеги бегьула дир дагIба гьечIо амма дир вас, мун ургъун вихье цо, рахьдал мацI кIочарав чиясда кIочон тола жиндирго маданият, жив щиб тухум-кьибилалъул вугев. Гьединав чи дида релъун ккола кьалбал гьечIеб, бакъвараб гьодораб гъветIалда.

СибтI- Дедуля, гьеб кинабго бичIчIана. Щиб гьабизе гьеб?  Интернеталда буго английский мацI.  Щиб къваригIаниги гьениб батула . Нилъер мацI гьеб буго прошлый век. Нижее къваригIун буго современный гIумру смортфоны, планшеты и так далее, дедуля.

КIудада –Дуца бицунеб жо щиб, дир вас! (Ццин бахъараб гIадин)

Авар мацI гьеб ккола халкъалъул рухI бечелъи, маданият, гIадат .Нилъеда лъазе ккола нилъерго кучIдул, маргьаби, хIаял, цIализе ккола авар мацIалда хъварал тIахьал, журналал, газетал. Нилъеда тIадаб борч буго щивав чиясул рекIелъ авар мацIалда бугеб рокьи цIуни.

СибтI-Лъаларо, дедуля, лъаларо дуца дун ургъизе тIамуна. ( бетIер ккола ургъулеб гIадин).

 КIудада –Дур пикруялда цIунизе кколарищ нилъеца , умумуз нилъее ирсалъе тараб мацI?

СибтI-КIудияв эмен битIарабищ дуца бицунеб жо? Нилъер мацI тагIани тагIизейищ ругел нилъер кучIдул, маргьаби, къисаби, кицаби ва гIадатал?

 КIудада- БитIарабха ,дир вас, битIараб мацIгун цадахъ тIагIизе буго халкъалъул мацIалда бугеб рокьи. Нилъ мискинлъизе руго нилъер маданият билулаго тIагIунаго.

СибтI-Гьеб кинабго бичIчIана. Щибха гьабизе кколеб гьеб мацI цIунизе гIоло?

КIудада –Нилъеца байбихьила гьитIиналдаса. ТIоцебесеб иргаялда нилъ рокъо кIалъазе ккола нилъерго магIарул мацIалда. Лъазабизе ккола нилъерго тарих.

СибтI- ЛъикIаб идея буго, дедуля. Дица гьабизе буго вечер магIарул мацIалъул маргьаби, кицаби рицулел конкурсал. Бегьизе бугодай, дедуля?

КIудада – Кутакалда бегьизе буго. Цогиги дир вас кепал лъугьабахъиназул гьитIинабго тIехь къватIибе биччани цIакъго лъикI букIинаан.Нилъер  гьеб тIехь  цебеса цебе цIи-цIияб гIелалъухъе щвелилан ккола дида.

СибтI- Да, дедуля, это здорово! Дица дуе кумек гьабила  гьеб тIехь къватIибе биччазе.

КIудада – Баркала, дир вас, баркала. Цадахъ нилъеда бажарила нилъер магIарул мацI цIунизе ва хадусеб гIелалъухъе кьезе.

( Ахиралда кечI бицина).

БачIунеб гIелалъе гIакълу лъай кьолел

Хириял рокьулел ,мугIалимзаби,

Воре, кIочон тоге, умузул мацI

Нужеда бараб жо гIемераб буго.

Нижги нужей хIалай рахъизе руго

Араб тарихалъул букIинеселъул

МагIарул мацIалда малъе нижеда.

Гьарула нужее щулияб сахлъи,

ХIалтIулъ бергьенлъаби,имангун, талихI.