Сөз ,буын ,дыбыс

Ересектер «» тобындағы

ұйымдастырылған оқу қызметінің конспектісі

Өткзу күні: Тәрбиеші: Білім беру саласы: «Коммуникация » Пән: «Сөйлеуді дамыту»

Өтпелі тақырып: «Өнер көзі халықта»

Тақырыбы: Сөз буын дыбыс (Өрмекші,құмырсқа,қарлығаш Ы.Алтынсарин)

Мақсаттары:

Тәрбиешілік:Топпен жұмыс істеуге ,ұқыптылыққа әдептілікке тәрбиелеу.
Дамытушылық: Балалардың сөз,сөйлем , буын туралы ойларын қалыптастыру.

Оқыту:Сөйлем құрастырып оны талдай білуге дағдыландыру

Педагогикалық технологиялар:Түсіндіру әдісі , сұрақ-жауап әдісі Ресустармен қамтамасыз ету: суреттер

Билингвалдық компанент: қарлығаш-ласточка,ата-дедушка,өрмекші-паук,құмырсқа-муравей.

Ұйымдастырылған оқу қызметінің барысы:

1.Ұйымдастырылған кезең:

Шаттық шеңбері:

Атым – қазақ, текті батыр ұланбыз,
Қадірлейміз қазағымның мұрасын.
Әдептілік – сұлулық пен теңдессіз,
Дәріптейміз ата дәстүр бұлағын.

2.Негізгі бөлім: Топқа ата келеді. Балалар Ы.Алтынсариннің «Өрмекші,құмырсқа және қарлығаш» деген әңгімесін алып келіпті. Ы.Алтынсарин-қазақ ағартушысы,ақын,жазушы.Ең алғаш қазақ балаларына мектеп ашып,балаларды білімге шақырып ұстаздық еткен дара тұлға.Сендер алғаш мектепке барғанда ол кісінің «Кел,балалар,оқылық!» атты өлеңімен танысасыңдар.Балаларға арналған «Әке мен бала», «Екі дос», «Аурудан аяған күштірек», «Бұл кім?», «Өнер білім бар жұртта» деген шығармалары бар.

«Өрмекші,құмырсқа және қарлығаш» әңгімесін оқып береді.

Атасы мен баласы далада келе жатып,атасы баласынан сұрайды:

-Анау өрмекшіні көрдіңбе?

Бала:

-Көрдім,өрмек тоқып жүр.

Ата:

-Анау құмырсқаны көрдіңбе?

Бала:

-Көрдім,аузында нанның ұнтағы бар,кетіп барады.

Ата:

-Жоғары қара,аспанда не көрінеді?

Бала:

-Жоғарыда қарлығаш ұшып жүр,аузында тістеген шөбі бар-дейді.

Сонда атасы былай дейді:

-Олай болса,шырағым,сол кішкентай жәндіктер -саған үлгі.Өрмекші маса мен шыбынды тұзақ құрып ұстаған соң өзіне азық етеді.Құмырсқа балаларына тамақ алып бара жатыр.Қарлығаш балапандарына ұя салу үшін шөп жинап жүр. Жұмыссыз жүрген бір жан жоқ.

Сенде жұмыс істеуге әдеттенулерің керек.

-Балалар,әңгіме сендерге ұнадыма?

-Әңгімеде не туралы айтылған?

-Әңгімедегі кейіпкерлер қандай екен?

-Балалар,сендер буынға бөле аласыңдар.Әңгімедегі өрмекші,құмырсқа,қарлығаш сөздерін буынға бөліңдерші?

-Неше буыннан тұрады?

-Ия дұрыс айтасыңдар.

Бір дауысты дыбыс бір буынды құрайды.

Ата,бала,құмырсқа,өрмекші,қарлығаш дегеннің бәрі-сөздер.

Сөз –буыннан тұрады.

Сергіту сәті: «Торғай»

Орнымыздан тұрайық,

Торғай болып ұшайық,

Бір отырып,бір тұрып,

Жақсы сергіп қалайық

Мақал-мәтел жаттау.

1.Еңбек-адамның екінші анасы.

2.Еріншек түске дейін ұйықтайды.

3.Жалқаулық-жаман ауру.

3.Қортынды:
Балаларды мақтау, мадақтау. Оқу қызметіне қатысқан баларды мақтау.