Сказка "Мустафа".

Окъyв 4- сыныф

Meвзу:Масал "Мустафа".

Макъсад: Талeбелеpнинъ бильгилерни тешкeрюв.
Сёз байлыгъыны зенгинлештирюв.
Ватанпервeрлик дуйгъусыны aшлав.
Талeбелеpнинъ дикъкъaтыны ве яxшы хуcусиeтлерни тербиелемек.

Дерcнинь донатылувы: «Окъув китабы» 4 сыныф; мевзу акъкъында башкъа ресимлер,

Дерcнинъ кетишаты

I.Tешкилий къысым.

1. Селямлашув.

2.Эв вазифени сорав:

(Балалар эвде китап акъкъында мини икяе язалар.)

II. Эв вазифесини сорав:

Оджанынъ сезю:Кечкен дерсте Абибулла Одабашнынъ яшайышынен ве "Озь коюм" икяесинен таныш олдыкъ ве шимди хатырлайыкъ насыл койде А.Одабаш дюньягъа кельди, койнинъ маназарасыны насыл тасвирлей, койден насыл къаялар, дагълар, тёпелер корюне.

Тест:

1. А.Одабаш кимдир?

а) йырджы

б) языджы

в) учуджы

2. А.Одабаш насыл койде догъды?

а) Корбекуль

б) Чатырдагъ

в) Коккозь

3. Койнинъ этрафларында насыл дагъ ве къаялар ерлешкен?

а) Аюв дагъы, Къарасувбазар, Чатырдагъ

б) Акъ къая, Демирджи къая, Къара денъиз

в) Чатырдагъ,Аюв дагъ, Демирджи къая

4. Корбекульнинъ этегинде насыл шеэр ерлешкен?

а) Ялта

б)Алушта

в)Алупка

5. А.Одабаш коюне севгисини насыл ибарелернен тарифлей эди?

а) Догъгъан ерим дженнет

б) Догъгъан ерим Россия

в)Догъгъан ерим Джанкой

III. Mевзу боюнджа чалышув.

1.Оджанынъ сезю: Балалар биз сизлернен энди башладыкъ масалларнен таныш олмагъа ве насыл масалны кечкен дерсте огрендик? (Яланджы масалы)

Бугунь исе янъы масалнен таныш оладжакъмыз.

Келинъиз дерснинъ макъсадыны къояйыкъ:

1. Янъы масалнен таныш олмакъ.

2. Х.а.я. огренмеге девам этмек

3. Янъы бильгилер алмакъ.

4. Нутукъларымызны инкишаф этмек.

Оджа: Келинъиз башта фонетик мешгъулиетни кечирейик.

Фонетик мешгъулиет.

АР-АР-АР----сепетте алмалар бар.

АН-АН-АН----ахырда юре сычан.

АШ-АШ-АШ----анам пишире татар аш.

АЗ-АЗ-АЗ------энди окъуйыкъ бираз.

Оджа сёзю:

-Масаллар насыл жанр сайылалар?

- Масалларнынъ насыл сой олалар?

Лугъат иши:

ыргъат-

ничар-

кемалат-

тедарик-

лячаре-

кумюш-

Физдакъкъа

Еримизден турайыкъ,

Чукъур нефес алайыкъ,

Эллеримизни четке,

Огге узатайыкъ.

Отурайыкъ,турайыкъ,

Интизамлы олайыкъ.

IV. Китапнен чалышув.

Оджа сёзю: Балалар шимди "Мустафа" деген масалынен таныш оладжакъмыз, 16 саифени ачынъыз масалны окъумагъа азырланъыз.

Масал окъулгъанда оджа ресим вастасынен тасвирлей.

V.Пекитюв

-Мустафа эвине насыл айванлар алып кельди?

-Йылыннынъ бабасындан Мустафа нени сорай?

-Эвленмек ичюн, Мустафа падишанынъ насыл шартыны беджермек керек?

VI. Нетидже

- Балалар. Дерсте не акъкъында лаф эттик?

-Халкъ агъыз яратыджылыгъына насыл жанрлар кире?

-Бугунь насыл жанрларны огрендик?

VII. Эв вазифе

16-20 саифелерини окъумакъ, ресим сызмакъ.