План-канспект урока "Правапіс у,ў"

Падрыхтавала:

студэнтка 41 групы,

Сушчык Лідзія Уладзіміраўна

План-канспект урока па беларускай мове (5 “В” клас)

Правапіс у, ў

Мэты ўрока:

Адукацыйная: удасканальваць навыкі вымаўлення і засваення правапісу у, ў у спрадвечна беларускіх словах і словах іншамоўнага паходжання. Фарміраваць арфаграфічныя нормы беларускай мовы (правапіс у, ў).

Развіццёвая: развіваць лексіка-фразеалагічны запас вучняў.

Выхаваўчая: выхоўваць пачуццё адказнасці за вынікі сваёй працы на ўроку, любові да роднай мовы і яе адметных рыс.

Тып урока: урок камбінаванай будовы.

Абсталяванне: вучэбны дапаможнік, рабочы сшытак, дошка, карткі са словамі, ілюстрацыя помніка ў (у нескладовага).

Ход урока

I. Арганізацыйны момант і псіхалагічная падрыхтоўка да вывучэння новай тэмы

IІ. Актуалізацыя ведаў вучняў

Калі пішацца ў? у? (правіла)

III. Праверка дамашняга задання

IV. Паведамленне тэмы і мэты ўрока

Сёння мы працягнем паглыбляць веды пра асаблівасці літар у і ў, а таксама працягнем вывучаць правільна пісаць іх у спрадвечна беларускіх словах і словах іншамоўнага паходжання.

V. Трэніровачнае замацаванне набытых ведаў

1. Заданне на дошцы “Перакладчыкі”. Праца па варыянтах.

2. А зараз я буду загадваць загадкі, а вам трэба запісваць адгадкі, а пасля патлумачыць арфаграмы. Падказка: кожнае слова адпавядае нашай сённяшняй тэме – Правапісу у, ў (Індывідуальная праца на дошцы).

Загадкі: 1. Цыркавы артыст-комік (клоўн). 2. Буйная афрыканская птушка атрада бегуноў (страус). 3. Конны пастух у стэпах Паўночнай Амерыкі (каўбой). 4. Пышнае сцэнічнае відовішча з удзелам артыстаў эстрады, цырка (шоу). 5. Адзін з самых буйных прадстаўнікоў жывёльнага свету, якія вымерлі ў мезазойскую эру (дыназаўр). 6. Удзельнік палёту ў космас (касманаўт, астранаўт). 7. Перакладзіна для адкрывання і закрывання шляху (шлагбаум). 8. Нарада ўрачоў для вызначэння характару захворвання і спосабаў яго лячэння (кансіліум).

Фізкультхвілінка

3. с. 66 № 141 (праца на дошцы па чарзе. Астатнія у сшытак. Спісаць сказы, устаўляючы прапушчаныя літары і раскрываючы дужкі. Растлумачыць правапіс гэтых літар).

4. Самастойная праца на лістках на адзнаку.

VI. Дамашняе заданне

С. 65, №139 (запісаць прыказкі, раскрываючы дужкі. Устанавіць адпаведнасць пааміж пырказкамі і іх характарыстыкамі)

VІІ. Падвядзенне вынікаў урока. Рэфлексія. Выстаўленне адзнак

На ўроку мне больш за ўсё спадабалася …

Я лічу, што тэму Правапіс у,ў я засвоіў …