"Пешекче һөнәре"

Пешекче.

Һөнәрләр дөньяда күп төрле,

Барсы да алар кирәкле.

Сәләтең буенча сайласаң,

Буласың илгә кирәкле.

Уйладым үскәч үземә,

Пешекче һөнәрен сайларга.

Төрле тәмле ризыклар белән

Барча кешеләрне сыйларга.

Ит бәлеше һәм өчпочмак –

Болар бик тәмле булачак!

Күзикмәк, табикмәк, чәкчәк -

Берәү дә каршы килмәячәк!

Күңел биреп, чын күңелдән,

Эшләгән эш гел уңачак.

Тырышып пешергән сыйлардан

Бик күпләр канәгать булачак.

Пешекче булу – кирәкле һөнәр.

Ул бар кешеләрне ашата.

Пешекче – борынгы булса да,

Еллар үткән саен яңара.

Нинди һөнәр сайласаң да,

Кирәк башта белем алырга.

Аннан сайлаган һөнәреңә

Мәңге, тугъры булып калырга!

Гөлгенә Ганиева