Պարզ և բաղադրյալ ստորոգյալ

ՊԱՐԶ ԵՎ ԲԱՂԱԴՐՅԱԼ ՍՏՈՐՈԳՅԱԼ

Նախադասություններում ընդգծիր ենթակաները, դրանց վերագրված հատկանիշները(ստորոգյալները):

• Երկնքում կուտակված թուխպերը ցրվեցին:

• Արցախը Մեծ Հայքի նահանգներից տասներորդն էր:

• Ես ձեզանից չեմ պահանջում ոչ զորք, ոչ զենք:

• Երիտասարդի նյարդերն անասելիլարվում էին:

• Քարափների գլխին աճել էր մի մենավոր ընկուզենի:

• Նրա տեսածը անապատային խաբկանք էր:

• Նրա հայրը դու ես:

• Հարևան սենյակում հավաքվեք:

• Ձյան փաթիլները խնձորենու ճերմակ ծաղկաթերթեր են:

• Աղջկա հետ զրուցելու ամենահարմար պահը հիմա էր:

Ըստ այդ հատկանիշների բովանդակության՝ բաժանիր երկու խմբի:

Նշիր դրանց տարբերությունը:

Առաջին խմբում որոշիր ստորոգյալի եղանակը, ժամանակը, դեմքը, թիվը: Երկրորդ խմբում որոշիր, թե ստորոգյալի մաս կազմող բառը ինչ խոսքի մաս է:

Ընտրիր ճիշտ տարբերակը:

• Այն ստորոգյալը, որը կազմված է բայով/այլխոսքի մասով, կոչվում է պարզ ստորոգյալ:

• Այն ստորոգյալը, որը կազմված է բայով/այլ խոսքի մասով, կոչվում է բաղադրյալ ստորոգյալ:

Մեկ ստորոգյալ ունեցող նախադասությունները կոչվում են պարզ նախադասություններ: Մեկից ավելի ստորոգյալ ունեցող նախադասությունները կոչվում են բարդ նախադասություններ:

Որոշիր՝ նախադասությունը պարզ է, թե բարդ:

• Դրսում քամին դադարեց, սկսեց ձյուն տեղալ:

• Սրթսրթալով տեղավորվեցինք մի փոքր անձավում:

• Երեխաները ծառից խոշոր, բայց խակ սալոր էին քաղել:

• Շրջակայքում փայտ չկար, որ խարույկ վառեինք:

• Մինչև լույս կդիմանանք ո ւմեր որսը լուսաբացին կշարունակենք:

• Աստծո հրամանով սարերն իրար են մոտեցել, լիճը հասցրել են մինչև երկինք և ազատել վիշապից:

• Երեխաների ճիշտ դաստիարակությունն ամեն ընտանիքի առաջնային խնդիրն է:

Ստորոգյալի կետադրությունը:

• Սուրենը վազում է,թռչկոտում է: - Սուրենը վազում է,թռչկոտում:

• Սուրենը վազում է,Արեգը թռչկոտում է: - Սուրենը վազում է,Արեգը՝ թռչկոտում:

• Արևը շողում է,ծաղիկները բուրում են,առվակը քչքչում է,ծառերը բողբոջում են: - Արևը շողում է,ծաղիկները՝բուրում,առվակը՝քչքչում,ծառերը՝բողբոջում:

• Անտառը դատարկվում է ու չորանում: - Անտառը դատարկվում է, ու ծառերը չորանում են:

Կետադրիր, եթե անհրաժեշտ է:

• Թագավոր ընտրվելուց հետո բնավորությունն անմիջապես փոխեց հպարտացավ:

• Շուտով բոլորը հիասթափվեցին մի խումբ ծաղիկներ նրա դեմ ընբոստացան:

• Իր տեղից իսկույն ելավ ու աթոռ առաջարկեց:

• Համեցեք խնձոր անուշ արեք օրը շոգ է ծարավ կլինեք:

• Հրավերը շնորհակալությամբ ընդունեցի և ձիս կանգնեց ծառի տակ:

• Սիսակն ընտանիքից էր բաժանվում Միսակը այգուց:

• Հակոբ ապոր խնձորենիներն աճում էին ու դրանց հետ աճում էր նաև որդին:

• Եզան մեջքն ուղիղ էր ետևի մասը մի քիչ տափակ վիզը հաստ էր գլուխը դիք:

• Զօր ու գիշեր երկինքը ցողում է և հողը խոնավ է:

• Հայացքը գցել էր մի կետի ու սիրտը արագ բաբախում էր:

• Այստեղ ծաղիկների հոտն էր բռնել և մի քիչ այն կողմ աղբանոցի հոտը: