Осетинская сказка

Арс цуанонмæ уазæгуаты куыд цыд (Аргъау)

Арс.

Хъæды сырдтæ! Цомут æмæ ацæрæм цуаноны кæрты! Йе скъæт фосæй йедзаг, йæ кæркдоны – бирæ мæргътæ! Уæдæ йæм ис дыргътæ, халсартæ æмæ мыд дæр. Тæрхъустæ, цы зæгъут?

Тæрхъустæ

(фæтарстысты, афтæмæй иумæ дзурынц). Нæ-нæ! Нæ йæ уарзæм! Нæ-нæ! Нæ йæм цæуæм!

Арс

. Цы уын кодта цуанон? Тæрхъустæ. Иуахæмы, иубон Хъæдмæ ацыд цуанон! 230 Мах йæ хуымтæм бабырстам, Уырыдзытæ ракъахтам! Голджыты сæ акодтам. Къабускатæ ахордтам, Фæткъуы бæлас бауыгътам, Нæ цотæн дзы рахастам! Сæгъы æхсыр радыгътам, Нæхи дзы хорз бафсæстам! Æндæр нын ницы кодта, Фæлæ йæ нæ уарзæм!

Арс

. Фыдгæнджытæ разындыстут, тæрхъустæ! Марын уæ хъуыдис. §2

Дзурæг

. Арс ацыд æмæ æрлæууыд бирæгъты цур.

Арс.

Бирæгътæ! Цомут, ацæрæм цуаноны кæрты!

Бирæгътæ.

Нæ-нæ! Нæ йæ уарзæм! Нæ-нæ! Нæ йæм цæуæм!

Арс

. Цы уын кодта цуанон?

Бирæгътæ

. Иуахæмы бæрзонд рæгътæй Иуæндæс фæхъуыд йæ сæгътæй! Далыстæн дыууæ сæ нæрдтæй Скарстам мах нæ цыргъ дæндæгтæй! Радавтам ын иу йæ бæхтæй. Цуанон нал æфсæст гæрæхтæй! Рафыхтис нæм лæг фырмæстæй! Бирæгътæн дыууæ сæ нæлтæй Амардта йæ цыргъ фæрæтæй! Æндæр ын ницы ракодтам, Фæлæ нæ нæ уарзы! 23

Арс.

Марын уæ хъуыдис! Тыхгæнджытæ разындыстут сымах дæр!

Дзурæг

Ацыд Арс дарддæр.

Арс æрлæууыд рувæсты цур.

Арс

. Рувæстæ, цомут, ацæрæм цуаноны кæрты! Рувæстæ (фæтарстысты). Нæ-нæ! Нæ йæ уарзæм! Нæ-нæ! Нæ йæм цæуæм!

Арс. Цы уын кодта цуанон?

Рувæстæ

. Иуахæмы, иубон Хъæдмæ ацыд цуанон! Мах йæ хъазтæй фондз ахордтам, Кæрчытæй авд радавтам! Бабызтæм фæхъуызыдыстæм, Уасджытæй фондз рацахстам, Нæ лæппынтæн сæ рахастам! Æндæр ын ницы кодтам, Фæлæ нæ нæ уарзы!

Арс

Фыдгæнджытæ разындыстут сымах дæр! Цæуын цуанонмæ мæхæдæг! Дзидзайæ мæ бафсаддзæн! Мыды боцкъа мын ратдзæн!

Дзурæг

. Рувæстæ, бирæгътæ, тæрхъустæ бахæлæг кодтой: Тæхудиаг!

Дзурæг

Уызын фæзынд.

Уызын.

Нæ паддзах! Цуанон топпифтыгъдæй æрбацæуы хъæдмæ! Лидзгæ! Дæу агуры!

Арс.

Цы йын кодтон, оххай!

Уызын.

Фехъуыстон хæрз æрæджы, Цуаноны мыд бахордтай! Стæй, дам, ивгъуыд фæззæджы Йе скъæты дуар батыдтай Æмæ родты нарддæры Ды къæрныхау радавтай

. Арс.

Оххай!

Уызын

. Мæнæ ацы рагуалдзæг

Цуанонæн йæ цъæх хæрæг Æрхы бын æрбаргæвстай!

Арс

. Оххай! Уызын, мауал сæ нымай!

Уызын

. Алидзут

! Дзурæг. Сырдтæ алыгъдысты.