ՕՐՎԱ ՊԼԱՆ /կարճաժամկետ խմբերի համար/

ԵՐԵԽԱՆԵՐԻ ԸՆԴՀԱՆՈՒՐ ՏՎՅԱԼՆԵՐԸ

2017- 2018 ուս.տարի

ԾՆՈՂՆԵՐԻ ՏՎՅԱԼՆԵՐԸ

Անուն, ազգանուն, աշխատանքի վայրը

Շաբաթական պարապմունքների քանակը

14

+

Դաստիարակի հայեցողությամբ` 1 (մաթեմատիկա)

Ընդհամենը` 15

ԴԱՍԱՑՈՒՑԱԿ

Օրվա ռեժիմ

Առավոտյան հանդպման ընթացքը

1. Բարևել միմյանց

2. Մարմնամարզություն

3. Օրացույցի լրացում

• Տարվա եղանակը

• Ամիսը

• Ամսաթիվ

• Շաբաթվա օրը

• Այսօրվա եղանակը

1. Օրակարգի ուրվագծում

2. Մտքերի փոխանակություն և հարցեր

3. Մտավոր խաղ-վարժանք

4. Ակտիվ խաղ- վարժանք

Ծնողական ժողով

1-ին հանդիպում

Թեմա -------

2-րդ հանդիպում

Թեմա -------

3-րդ հանդիպում

Թեմա -------

Ι ԵՌԱՄՍՅԱԿ

(սեպտեմբեր, հոկտեմբեր, նոյեմբեր)

ՎԱՂ ԳՐԱՃԱՆԱՉՈՒԹՅՈՒՆ

Գրաճանաչության պարապմունքներն ունեն զարգացնող բնույթ: Վերլուծական, համադրկան խոսքային վարժությունների համակարգի միջոցով ապահովվում է երեխաների մտավոր զարգացումը: Մտավոր զարգացումը կառուցվում է 5-6 տարեկան երեխաների կենդանի խասքի, խոսքային կենսափորձի, կապակցված խոսքի համակարգի, խոսքային լսողության զարգացման հիման վրա:

• Ձևավորել պատկերացում պատմության և նախադասութան մասին:

• Սովորեցնել նախադասությունը տրոհել բառերի, բառերը բաժանել վանկերի: Գաղափար տալ հնչյունի մասին, սովորեցնել հնչերանգով առանձնացնել հնչյունը: Որոշել հնչյունների քանակը բառում:

• Սովորեցնել կատարել երեք և չորս հնչյուն ունեցող, հնչյունային տարբեր կառուցվածքի բառերի հնչյունային վերլուծություն, այսինքն` սահմանել վերլուծվող բառերի, հնչյունների հաջորդականությունը, անվանել առանձնացված հնչյունները` բառի մեջ իրենց հնչեղության համապատասխան:

• Գաղափար տալ ձայնավոր և բաղաձայն հնչյունների մասին:

• Սովորեցնել ճիշտ օգտագործել «հնչյուն», «տառ», «բառ», «ձայնավոր հնչյուն», «բաղաձայն հնչյուն» եզրույթները:

• Անվանել բառեր տրված հնչյուններով, «ա», «ի», հնչյուն-տառերի ծանոթացում:

ԽԱՍՔԻ ԶԱՐԳԱՑՈՒՄ

• Դաստիարակել սեր և հետաքրքրություն գրականության նկատմամբ, ձևավորել հերոսների արարքները գնահատելու կարողությունը, սյուժեի զարգացման հաջորդականությունը յուրացնելու ունակությունը:

• Սովորեցնել արտահայտիչ արտասանել բանաստեղծությունը, բազմազանորեն տալ դրանց կախվածությունը բովանդակությունից:

• Սովորեցնել զգալ և հասկանալ գեղարվեստական կերպարների բնութագիրը, ըմբռնել դրանց փոխադարձ կապը կյանքի երևույթների հետ, սյուժեի կառուցման յուրահատկությունը, նկատել պատկերավոր-արտահայտչական միջոցներ, որոնք օգնում են բովանդակության բացահայտմանը:

• Ձևավորել գեղարվեստական-խոսքային կատարողական ընդունակությունները` կատարման հուզականության, բովանդակության, կերպարների նկատմամբ սեփական վերաբերմունքն արտահայտելու կարողություն:

ՏԱՐՐԱԿԱՆ ՄԱԹԵՄԱՏԻԿԱ

Միջթվային հասկացությունների ամրապնդում- մած-փոքր, լայն-նեղ, շատ-մեկ, շատ-քիչ, հաստ-բարակ, բարձր-ցածր, վրա-տակ, շուտ-ուշ:

Քանակ և հաշիվ – երեխաների մեջ ձևավորել պատկերացում թվերի մասին` մինչև 7-ը, բազմություններով կատարվող գործողությունների և պայմանական չափումների միջոցով: Հաշվել 7-ի սահմանում, տարբերել և անվանել 0-ից մինչև 7 թվանշանները: Ճիշտ պատասխանել «Որքա՞ն», «Ո՞րը», «Ո՞րն է» հարցերին:

Մեծություն- Սովորեցնել պայմանական չափումների օգնությամբ որոշել առարկայի մեծությունը` երկարությունը, լայնությունը, բարձրությունը:

Երկրաչափական ձևեր և մարմիններ- Սովորեցնել տարբերել և անվանելձվածիրը և շրջանը: Վարժեցնել երկրաչափական ձևերը տարբերելու և անվանելու մեջ (քառակուսի, շրջան, եռանկյուն, ուղղանկյուն, խորանարդ, գլան, կոն):

Կողմնորոշում տարածության մեջ- Ամրապնդել և խորացնել տարածական պատկերացումները (ձախից, աջից, վերևում, ներքևում, առջևից, ետևից, հեռու, մոտիկ):

Կողմնորոշում ժամանակի մեջ- Ամրապնդել և խորացնել ժամանակի պատկերացումները`ցերեկ, գիշեր, առավոտ, երեկո, այսօր, վաղը:

ԵՐԱԺՇՏՈՒԹՅՈՒՆ

5-6 տարեկան երեխաների երաժշտական դաստիարակության խնդիրներն են`

• դաստիարակել հետաքրքրություն և հուզական աձագանք տարբեր բնույթի երաժշտության նկատմամ.

• զարգացնել երաժշտության ընկալումը, ծանոթ ստեղծագործությունները ըստ նվագի կամ մեղեդու հիշելու և տարբերելու կարողությունը.

• հարստացնել երաժշտական տպավորությունները նոր ստեղծագործություններ ունկնդրելով.

• զարգացնել հնչյունի բարձրության ընկալումը, ռիթմական զգացողությունը, ուժգնությունը, ծանոթացնել տարբեր ժանրերին.

• ձևավորել կատարողական ունակությունները, ճիշտ ձայնակազմավորումը, ինտոնացիայի մաքրությունը, երաժշտության տակ կատարվող ռիթմական շարժումների արտահայտչականությունը, պարերում, երաժշտական խաղերում, ինպռովիզացյոն շարժումներ կատարելու կարողությունը.

• ծանոթացնել ազգային (դուդւոկ, զուռնա, դհոլ, թառ, քամանչա, քանոն) և դասական նվագարանների ( դաշնամուր, ջութակ, թավջութակ, ֆլեյտա):

Երաժշտության ունկնդրում

1. Մեր Հայրենիք- Հայաստանի Հանրապետության օրհներգ- խոսք` Մ. Նալբանդյանի, երաժշտ. ` Բ. Կանաչյանի

2. Մենք հիմա դեռ փոքր ենք

3. Արև-արև, եկ-եկ - - երաժշտ. և խոսք` ժողովրդական

4. Եղնիկն ու նապաստակը

5. Քեռին եկավ մեր բակը- երաժշտ.` ժողովրդական

6. Թող լինի միշ արևը

7. Նապաստակը որոշեց բարեկամին հյուր գնալ

8. Նապաստակի երգը- երաժշտ.` Է. Միհրանյան, խոսք` Ս. Մուրադյան

9. Նոր տարվա հանդես

ԷԿՈԼՈԳԻԱ

Էկոլոգիա ծրագրի բովանդակությունը նախատեսված ավագ նախադպրոցական խմբի համար .

• ընտանի և վայրի կենդանիներ

• միրգ և բանջարեղեն

• կենդանի , անկենդան բնություն

• կենդանի օրգանիզմների արտաքին տեսքի և վարքի հարմարումը գոյության պայմաններն

• մարդիկ և շրջապատող աշխարհը

• իմ առողջությունը և շրջապատող աշխարհը

• բնությունը իմ շուրջ

• ինչպե՞ս եմ օգտագործում բնական պաշարները

• ինչպե՞ս եմ ես ազդում բնության վրա

• ինչպե՞ս պետք է իրեն պահել բնության մեջ

• ինչո՞ւ և ինչպե՞ս պետք է նրան խնամքով վերաբերվել :

ՖԻԶԻԿԱԿԱՆ ԴԱՍՏԻԱՐԱԿՈՒԹՅՈՒՆ

Քայլք – շրջանցել հատակին դրված առարկաները, բուլավաները: Քայլքի ընթացքում վերցնել մարզափայտիկներն արկղից և դասավորել ավելի հեռու դրված արկղի մեջ:

Վազք – վազել միմիյանց հետևից սենյակի անկյուններով, եզրերով, վազք ցրված, օգտվել ամբողջ տարածությունից: Ցրված վազքից հետո դաստիարակի ազդանշանով կազմել միաշարք:

Հավասարակշռություն – քայլքից, վազքից հետո ազդանշանով կանգնել և կատարել որոշ առաջադրանքներ:

Ցատկեր – թռչկոտել տեղում: Հեռացատկ տեղից 50-60 սմ:

Նետումներ – Նետել գնդակը վերև, գետնին, բռնել զույգ ձեռքով, նետել աջ և ձախ ձեռքերով:

Սողանցում-մագլցում – սողանցել 50-60 սմ պարանի տակից: Մագլցել մարզապատի վրա: Շարվել միաշարգով ըստ հասակի:

Շարում - շարվել տողանով: Շարվել օղակով:

ԾԵՓ

Երեխաների գեղագիտական դաստիարակության և մանր մոտորիկայի զարգացմանը նպաստում է ծեփակերտման պարապմունքները: Ծեփի պարապմունքները պետք է կազմկերպել այնպես, որ լուծվի հետևյալ խնդիրները.

• Սովորեցնել ծեփել բնօրինակից և պատկերացմամբ

• Ունենալ պլաստիլին, կավ, կետաձող` նախշեր կատարելու համար

• Տալ պատկերվածի արտահայտչականությունը, բնորոշ արտակահտչկան շարժումները` կառուցողական և քանդակագործական ձևերով

• Սովորեցնել դեկորատիվ հարթաքանդակ կատարել:

ԱՊԼԻԿԱՑԻԱ

• Սովորեցնել կատարել կլոր ու օվալաձև առարկաների պատկերներ` սունկ, աշնանային տերև և այլն: Կազմել պատկեր առանձին մասերից` հայաստանի Հանրապետության պետական դրոշը, ծաղիկներ, տերև

• Սովորեցնել թղթի ծալման բազմաթիվ ձևեր, պարաստել նավակ, շուն, ինքնաթիռ

• Կառուցողական նյութերով կառուցել շինությունների նմուշներ, դաստիարակի տված օրինակով

Թղթի աշխատանք – ամրապնդել թուղթը ծալելու, կիսելու կարողությունը: Թղթի աշխատանքով կառուցողական նյութերը ստորև տրվում են քառորդներով, միաժամանակ դաստիարակին հնարավորություն ընձեռելով ընտրություն կատարելու: Պատրաստել էջանիշ, տուփ, հովհար, զամբյուղ, ծաղիկ, գորգ

Աշխատանք բնական նյութերով- Ծանոթացում դեկորատիվ բույսերին, նրանց անվանումներին, գույնի, ձևի հետ:

ՆԿԱՐՉՈՒԹՅՈՒՆ

• սովորեցնել նկարել բնօրինակից, ինչպես նաև պատկերացմամբ` ծաղիկներ, մրգեր, բանջարեղեն, խաղալիք: Արտահայտչորեն տալ ձևի գծանկարը հարաբերական մեծությունը և առարկայի դիրքը: Հիմնվելով գույների իմացության վրա (կարմիր, կապույտ, դեղին, կանաչ, շագանակագույն, մանուշակագույն, սև, սպիտակ և դրանց երանգները) կարողանալ ընտրել գունային գամմա` պատկերին հաղորդելու համար

• սովորեցնել բնությունից արված դիտումների հիման վրա վերարտադրել «Աշունը անտառում, այգում կամ պարտեզում»: Վերարտադրել մեծեր աշխատանքը` (բերքահավաք, շինարարություն), հասարակական իրադարձություններ ( հրավառություն, գունավոր դրոշներ, տոնական փողոց) օգտագործելով պատկերավոր արտահայտչականության միջոցներ` ձև, կոլորիտ, կոմպոզիցիա:

• սովորեցնել կազմել դեկորատիվ նախշեր` օգտագործելով սպիտակ և գունավոր ֆոներ: Մշակել մատիտը հավասարաչափ գծիկներ քաշելու կարողությունը ( ուղիղ, թեք, հորիզոնական, ալիքաձև): Վրձինը լավ հագեցնել ներկով:

2-րդ եռամսյակ

(դեկտեմբեր, փետրվար, մարտ)

ՎԱՂ ԳՐԱՃԱՆԱՉՈՒԹՅՈՒՆ

Բառի հնչյունային վերլուծություն կատարել նշանակում է անվանել բառի հնչյունների այն հաջորդականությունը, որը գոյություն ունի տվյալ բառում: Ամրապնդել 4-5 հնչյունանի, հնչյունային տարբեր կառուցվածք ունեցող բառերի հնչյունային վերլուծություն կատարելու կարողությունը, տարբերել հնչյուններն (ձայնավոր, բաղաձայն) ըստ արտասանության:

Անվանել բառեր տարբեր հնչյուններով: Սովորեցնել բառի առաջին և վերջի հնչյունները որոշելու և բառի մեջ հնչյունը գտնելու կարողությունը:

Սովորեցնել առանձնացնել բառային շեշտը և որոշել դրա տեղը վերլուծվող բառի կառուցվածքում:

Սովորեցնել ճիշտ օգտագործել « բառ », «հնչյուն» տերմինները:

Ու, է, ը, օ, մ, տ, կ, ն, ռ, լ, ր հնչյուն - տառերի ծանոթացում:

ՏԱՐՐԱԿԱՆ ՄԱԹԵՄԱՏԻԿԱ

Քանակ և հաշիվ – Ձևավորել պատկերացումներ թվի մասին, 10-ի սահմանում: Շարունակել սովորեցնել հաշվել մինչև 10-ը, տարբերել թվանիշները`մինչև 10-ը , համեմատել հաջորդական թվերը` 10-ի սահմանում: Սովորեցնել, թե ինչպես անհավասարությունից կարելի է ստանալ հավասարություն`(8-ը շատ է 7-ից, եթե 7-ին ավելացնենք 1, կստացվի 8 և կհավասարվեն առարկաները, 7-ը փոքր է 8-ից, այստեղ պակասում է 1-ը, եթե 8-ից պակասեցնենք 1 ապա երկու խմբում էլ կստացվի 7-ական, կհավասարվեն ): Վարժեցնել քանակական և կարգային հաշվի տարբերման մեջ` 10-ի սահմանում:

Վարժեցնել գործողությունների նշանները ճանաչելու և կիրառելու մեջ + - = :

Գաղափար տալ խնդրի մասին, պարզ խնդիրների ուսուցում:

Մեծություն – Սովորեցնել չափելու ժամանակ առանձնացնել առարկայի մի մասը, որը հավասար է պայմանական չափին, որոշել` քանի անգամ է պայմանական չափը տեղավորվում չափվող օբյեկտը մեջ: Օգտագործել պայմանական չափերի տարբեր միավորներ: Չափումներն օգտագործելիս ցույց տալ թվի քանակական կազմը` 5-ի սահմանում`առանձին միավորներով:

Երկրաչափական ձևեր և մարմիններ - Տալ պատկերացնում քառանկյան և նրա հատկանիշների մասին` չորս անկյոին, չորս կողմ (տարբեր քառանկյունների օրինակով), գլան, խորանարդ, գունդ:

Կողմնորոշում տարածության մեջ – Սովորեցնել կողմնորոշվել ցույց տրվող ուղղությամբ, որոշել իր տեղը ` ըստ տրված պայմանի (կանգնիր այնպես, որպեսզի ձախ կողմում լինի տիկնիկը ,առջևում`մեքենան):

Կողմնորոշու ժամանակի մեջ- Սովորեցնել հաջորդականորեն անվանել շաբաթվա օրերը:

ԷԿՈԼՈԳԻԱ

5-6 տարեկանների էկոլոգիական դաստիարակությունը և կրթությունը էկոկենտրոն հայեցակարգի տեսանկյունից կառուցվում է կենդանի բնության մեջ, թանգարաններ, կենդանաբանական, բուսաբանական այգիներ այցելելու հիման վրա, քանի որ էկոլոգիական դաստիարակություն առաջին հերթին ենթադրվում է`

ա) իրեն զգալ բնության մի մասնիկը

բ) ձևավորել երեխաների մեջ հուզական հոգատար վերաբերմունք

բնության օբյեկտների նկատմամբ

գ) ձևավորել գեղեցիկը տեսնելու ընդունակություն

դ) ձևավորել և զարգացնել երեխաների ճանաչողական

ընդունակությունները և բնապահպանական տարրական կարողությունները: Նախադպրոցականները պետք է ձեռք բերեն կենսաէկոլոգիական տարրական գիտելիքներ այդ թվում`

ա) Կենդանի, անկենդան բնություն:

բ) Կենդանի օրգանիզմների յուրահատկությունները, նրանց

բազմազանությունը, տարածումը:

գ) Կենդանի օրգանիզմների արտաքին տեսքի և վարքի հարմարումը

գոյության պայմաններին:

դ) Բնակավայրի բազմազանությունը (ջրային, երկկենցաղ, օդային,

ցամաքային)

ե) Բնությունը իմ շուրջը:

զ) Ինչպես պետք է պահել բնության մեջ:

է) Ինչպես օգտագործել պաշարները:

ը) Բնության մեջ գործող կապը:

ՖԻԶԻԿԱԿԱՆ ԴԱՍՏԻԱՐԱԿՈՒԹՅՈՒՆ

Քայլք - Քայլել սենյակի եզրերով միաշարք և զույգերով, ցրված, զիգզագաձև, քայլք` կից քայլերով , ոտնաթաթերին, կրունկներին, ներբանի ներսի և դրսի եզրերին: Քայլքի յուրաքանչյուր տեսակ կատարել 3-4 անգամ, քայլել կքանիստ, ձեռքերը գոտկատեղին, անսպասելի կանգառումներով, տարբեր տեմպերով:

Վազք – Վազել տարբեր տեմպերով. (արագ, դանդաղ), վազք ցրված: «Արագ վերցրու՛- արագ դի՛ր»: Ցրված վազքից հետո դաստիարակի ազդանշանով կազմել միաշարք, օղակներ: Շարժախաղ դաստիարակի ընտրությամբ:

Հավասարակշռություն - Քայլքից, վազքից հետո ազդանշանով կանգնել և կատարել որոշ առաջադրանքներ: «Կատարի՛ր ֆիգուրա» (պատկեր): Շարժախաղեր` «Բռնոցի», «Մկան թակարդ», «Զույգերով վազք»:

Ցատկեր – Թռչկոտել տեղում: Հեռացատկ տեղից 50-60սմ:

Շարժախաղ – «Կարթ», «Կանգնի՛ր մեկ ոտքի վրա»:

Նետումներ – Նետել գնդակը վերև, գետնին, բռնել զույգ ձեռքով, նետել աջ և ձախ ձեռքերով: «Բռնի՛ր գնդակը»: Բռնել գնդակը 5-8 անգամ,առանց գցելու,«Մի ոտանի արագիլ», «Չալիկ- մալիկ»:

Սողանցում – մագլցում – Սողանցել 60-50մ պարանի տակից

Մագլցել մարզապատի վրա:

Շարումներ – Շարվել տողանով, շարվել օղակներով:

«Ու՞մ օղակն է գեղեցիկ և արագ կշարվի»: