Odobnoma 3-sinflar

Sana:

Sinf : 3 –sinf

Fan: Odobnoma

Mavzu:   Kasblar olami.

Darsning  maqsadlari:

a)ta’limiy:Kasblar  haqida  ma’lumot  berish.  Inson  baxtli  va  farovon  yashashi  uchun  albatta  biror  kasb  yoki  hunarni  mukammal  egallashi,  shu  kasb  orqali  oilasiga   va  Vataniga  foyda  keltirishi  lozimligini  tushuntirish.

b)tarbiyaviy:O’quvchilarga  kasb - hunar  egallashga  ishtiyoq  va  rag’bat  uyg’otish.

s)rivojlantiruvchi:   Kasb-hunarga  yo’naltirish,  o’zlari  egallamoqchi  bo’lgan  soha  haqida  muayyan  tasavvur  va  tushuncha  hosil  qilish.

O’quv jarayonini amalga  oshirish  texnologiyalari:

Darsning  jarayoni  va  texnologiyasi:

Fanlararo  bog’lanish:Oqish,  mehnat,  atrofimizdagi  olam,  matematika,  ona  tili,  musiqa.engliz tili

Darsning  borishi:   

I.Tashkiliy  qism:

1)salomlashish;

2)sinfning  gigienik  holatiga  e’tiborni  qaratish;

3)davomotni  aniqlash;

4)o’quvchilar  e’tiborini  darsga jalb  etish;

O`quvchilar 3- guruhga bo`linadi:

1. Kasb, 2. Hunar, 3. Mehnat.

Har  bir  guruh  o’z  guruhlarini  shiorini  aytadi

1.Kasbi  bo’lsa  kishining, o’zi  yurishar  ishining.

2.Hunarli  kishi  xor  bo’lmas, do’stu  dushmanga  zor  bo’lmas.

3. Mehnat  qilib  topganing,  qandu  asal  totganing.

II. Uyga bajarilgan topshiriqlar yuzasidan  o`quvchilar bilimini aniqlash:   “Beshinchisi ortiqcha ” metodi orqali amalga oshiriladi.

1 -Dono,aqlli,nodon,bilimli,ziyrak.

2-Odobli,axloqli,xushmuomala,tartibli,qizg’anchiq

3-Rostgo’y,xushfe’l,kamtarin,maqtanchoq,tadbirkor.

4-Yolg’onchi,bilimli,zehnli,intiluvchan,saxiy.

5- To’g’riso’z,qaysar,zukko,intizomli,odobli

O’tgan mavzuga oid hikmatli so’zlar so’rash

O`quvchilarning javoblarini inobatga olib o`qitvchi tomonidan xulosalanib o`tilgan mavzu mustahkamlanadi.

III. Yangi mavzuning bayoni:

Aziz  bolajonlar  bugungi  mavzumizni otgan mavzuni davomi desak adashmaymiz   chunki inson sog`lom bo`lsa kasb-hunar o`rganishga harakat qiladi.

Dunyoga kasb-hunar ko`p. Hayotda har bir kasbning o`ziga yarasga o`rni, ahamiyati bor. Ota-bobolarimiz “Hunarli hunar”, “Hunarli kishi xor bo`lmas”,   “Husniga emas, hunariga boq”,   “Biryigitga qirq hunar oz”, degan  maqollarni bot-bot takrorlashgan. Boylikni bir soniyada yo`qotish mumkin. Lekin bilim va hunarni hech kim tortib ololmaydi. Inson eng qiyin vaziyatlarda ham o`z  hunarini  ishga solib, qiyinchilikni yengishi mumkin.

Nonvoy xalq dasturxonini to`yimli   va shifobaxsh nonlar bilan ta`minlasa, shifokor bemorlarni davoyladi. Haydovchi odamlarning uzog`ini yaqin qilsa, dehqon el dasturxoniga shirin-shakar, qovun-tarvuzlar, don mahsulotlari va sabzavotlar yetkazib beradi. Chevar xushbichim kiyim-kechaklar tikadi, me`mor yurt ko`rkiga   ko’rk    qo`shuvchi mahobatli binolar quradi.

Tasavvur qiling, jamiyatdagi qaysidir kasb yoki  hunar  bo`lmasa, qanday vaziyat yuzaga kelishi mumkin? Agar haydovchi bo`lmasa, odamlar ishga, o`qishga o`z vaqtida yetib olishlari amrimahol. Farrosh vazifasini bajarmasa, ko`cha va jamoat joylarida sarishtalik bo`lmaydi.

Demak, hayot maromida borishi uchun har bir inson o`z kasbini sidqidildan bajarishi   lozim.

Kasb-hunarning yomoni bo`lmaydi. Muhimi,inson o`z ishini puxta egallashi va mehnati bilan el-yurtga, oilasiga naf keltirishidir.

Kim chaqqon o’yini :Guruhlardan 2 tadan ishtirokchilar chiqib,kasblarni zamonaviy va yangi kabi nomlarga ajratadilar.Bu o’quvchilar vazifani bajarguncha qolgan ishtirokchilar kasblarni vazifasini yozadilar.

IV. Dam  olish  daqiqasi:

Pantomima o’yini: o’quvchilar quyonvoy bekitgan so’zlarni o’z guruh azolariga ko’rsatib berishlari lozim.

V.Mavzuni mustahkamlash va o`quvchilar tomonidan o`zlashtirish darajasini tekshirish:

Yangi  mavzuga  oid  o’quvchilar “Kim  bo’lsam?”  mavzusida   sahna  namoyish  qiladilar.

Sinfdoshlar kasblar  to’grisida  bahslashib  turgandilar  birdan  Laziz o’rtaga  chiqib:  Bilasizlarmi  ehg  zo’r  kasb  me’mor  kasbi.  Men  katta  bo’lsam  me’mor  bo’laman,  ulkan  uylar  quraman: - dedi.  Shahzoda  esa:  E  yo’q  eng  zo’r  kasb  o’qituvchilik  kasbi.  Men  katta  bo’lsam  o’qituvchi  bo’laman  bolalarga  ta’lim  tarbiya  beraman: - dedi.  Bahsga  Ulug’bek  aralashdi.  Eng  zo’r  kasb  haydovchilik  kasbi  u  odamlarni  uzog’ini  yaqin  qiladi.  Men  katta  bo’lsam  haydovchi  bo’laman  hammani  kerakli  joyiga,  o’qishiga,  ishiga  vaqtiga  yetkazib  qo’yaman:  - dedi  u. 

Birov  tikuvchilikni,  birov  oshpazlikni,  yana  birov  shifokorlikni  eng  zo’r  kasb  ekanligini  uqtirdi.  Qani  aytingchi,  Siz  kim   bo’lishni  istaysiz?

Oquvchilar  yoqtirgan  kasblar  uchun  yodlangan  she’rlarini  aytib  beradilar.

Yangi  mavzuni  mustahkamlash  uchun  kompuyterdan  slayd  ko’rsatiladi.  Slayd  tugagach  o’quvchilar  o’z  fikrlarini  aytib,  o’zaro  suhbat,  savol- javob  qiladila.

Dars oxirida o’qituvchi guruhlarga oltin baliqcha beradi,o’quvchilar baliqchadan o’z niyatlari ijobatini so’raydilar.

So’ng o’qituvchitomonidan o’quvchilarga tilaklar bildirib quyidagi sher aytiladi:

-Bo’lay desang bog’bon,yo vatanga posbon,

Yo osmonda uchuvchi,yo dengizda suzuvchi,

Nimaki qilsang niyat,bariga o’qish kerak.

O’quvchi sendan talab,

Maktabga bor ertalab.

Kasb - hunar  va  bilim  haqida  hadislar

Odamlarning  yaxshisi - odamlarga  foydalirog’idir.

Ilm  o’rganish  har  bir  m’omin  uchun  farzdir.

Kasbning  eng  yaxshisi  kishining  o’z  qo’li  bilan  bajaradigan  ishi  va  halol  savdodir.

Sadaqaning  afzali  ilm  o’rganib,  so’ng  uni  boshqalarga  ham  o’rgatishdir.

VI.Yakuniy  qism:

-- Bilimlar  umumlashtiriladi; 

-- O’quvchilar  bilimi  izohli  baholanadi;

-- Faol  o’quvchilar  rag’batlantiriladi;

-- O’quvchilardan  dars  yoqqan,  yoqmaganligi  so’ralib  xulosa  chiqariladi.

VII.  Uyga  vazifa:

Mavzuni  o’qib  kasb - hunar  haqida  maqollar  yozib  yodlab  kelish.

Fan  o’qituvchisi                    Ramazonova Maxfuza 

Romitan tuman XTB ga qarashli 33-maktab Mig’ va Ma fani o’qituvchisi

Ramazonova Maxfuzaning

Odobnoma fanidan