Ներածություն ner

Ներածություն

Ներկայացվող մագիստրոսական թեզի ուսումնասիրման առարկան հանդիսանում է կառուցապատման գործունեության իրավական կարգավորումը Հայաստանի Հանրապետությունում, իսկ օբյեկտը կառուցապատումն է:

Աշխատանքի կառուցվածքը: Մագիստրոսական աշխատանքը բաղկացած է ներածությունից, երեք գլուխներից, եղրակացությունից, հավելվածներից, գրականության ցանկից: Աշխատանքի ընդհանուր ծավալը 73 էջ է, պարունակում է 1 քարտեզ, 2 սխեմա, 3 (ա,բ) նկար: Օգտագործված գրականության ցանկը ընդգրկում է 12 անուն:

Մագիստրոսական թեզի առաջին գլխում խոսվում է կառուցապատման իրավունքի էության և օրենսդրության վերլուծության մասին: Ըստ որի պետական և համայնքային հողամասերի կառուցապատման նպատակով օգտագործման տրամադրման արգելքը սահմանելու հետ միաժամանակ չմասնավորեցվող հողամասերի կառուցապատման խնդրի լուծումը ապահովելու նպատակով ՀՀ քաղացիական օրենսգրքում սահմանվեց նոր գույքային իրավունք, որը սահմանափակում է հողամասի օգտագործման արդյունավետությունը:

Երկրորդ գլուխը վերաբերվում է, թե իրավական տեսանկյունից ինչպիսի փուլերից է բաղկացած շենքերի և շինությունների նախագծման և կառուցման գործընթացը, և ինչպիսի փաստաթղթեր են պահանջվում յուրաքանչյուր փուլի իրականացման համար:

Վերջին՝ երրորդ գլուխը բաղկացած է չորս ենթագլուխներից, որտեղ խոսվում է կառուցապատման գործընթացի նկարագրության մասին, թե որ հողամասերն են նախատեսված կառուցապատման համար, ինչպիսի իրավունքներ պետք է ունենա կառուցապատողը այդ հողամասում կառուցապատման գործունեություն իրականացնելու նպատակով և որոնք են այդ իրավունքների ձեռքբերման հիմնական եղանակներն ու կարգը:

Արդիականությունը: Աշխատանքի թեմայի արդիականությունը կայանում է նրանում, որ ՀՀ օրենսդրական դաշտը հանդիսանում է քաղաքաշինության ոլորտի թույլ օղակներից մեկը, որը պայմանավորված է ինչպես դաշտի անկատարությամբ, այնպես էլ օրենսդրական կարգերի կիրառման ցածր մակարդակով, անարդյունավետ կառավարմամբ ու պարտականությունների սխալ բաշխմամբ:

Խնդիրը: Աշխատանքի հիմնական խնդիրն է հանդիսանում՝

1. Կառուցապատման իրավունքի գործողության ժամկետի ընթացքում ստեղծված շենքերի և շինությունների կարգավիճակի վերաբերյալ խնդիրների լուծումը,

2. Տեխնիկական տվյալների բազայի ստեղծման խնդիրը,