Մեխանիկական տատանումներ

Մեխանիկական տատանումներ. Տատանողական շարժման բնութագրերը

Գիտելիքը զրահ է բոլոր դժվարությունների դեմ:

Գիտելիքը զրահ է բոլոր դժվարությունների դեմ:

Մեխանիկական տատանումներ

Մեխանիկական տատանումներն այն շարժումներն են, որոնք կատարում են հերթականորեն՝ հակադիր ուղղություններով, և օժտված են կրկնելիությամբ. պարբերաբար, այսինքն՝ որոշակի ժամանակներից հետո նույնությամբ կրկնվում են:

Մեխանիկական տատանումները ևս պարբերական շարժումներ են, և դրանք կարելի է բնութագրել պարբերությամբ և հաճախությամբ :

Մաթեմատիկական ճոճանակ

Զսպանակավոր ճոճանակ

Հիշեցնենք՝ պարբերական կոչվում է այն շարժումը, որը կրկնվում է հավասար ժամանակամիջոցներից հետո:

Այն ամենափոքր ժամանակամիջոցը, որից հետո տատանումները կրկնվում են, կոչվում է տատանումների պարբերություն և նշանակում են T տառով ։

Տատանումների պարբերությունը որոշելու համար անհրաժեշտ է   t  ժամանակը բաժանել այդ ընթացքում կատարված տատանումների  N  թվի վրա.

Տատանումների պարբերությունը, մեկ լրիվ տատանման տևողությունն է և միավորների ՄՀ-ում արտահայտվում է վայրկյանով (վ):

Պարբերության հակադարձ մեծությունը ցույց է տալիս միավոր ժամանակահատվածում տատանումների թիվը, որն անվանում են տատանումների հաճախություն և նշանակում են ν (նյու) տառով:

Հաճախությունն արտահայտվում է հերցով (Հց) ՝ ի պատիվ գերմանացի ֆիզիկոս Հայնրիխ Հերցի:

Եթե տատանումների հաճախությունը 1 Հց է, նշանակում է՝ յուրաքանչյուր վայրկյանում տատանվող մարմինը կատարում է մեկ տատանում ՝

1 Հց = 1վ -1

Հայնրիխ Հերց

( 1857-1894 )

Ազատ տատանումներ: Ներդաշնակ տատանումներ

Այն տատանումները, որոնք առաջանում են համակարգում ներքին ուժերի ազդեցությամբ, երբ համակարգը դուրս է բերվում հավասարակշռության դիրքից, կոչվում են ազատ տատանումներ ։

Գնդիկի տատանումները զսպանակի առաձգական ուժի ազդեցությամբ

Ազատ մեխանիկական տատանումների օրինակներ են ՝զսպանակավոր կամ թելավոր ճոճանակի տատանումներն։

Մաթեմատիկական ճոճանակ

Զսպանակավոր ճոճանակ

Հանելով հավասարակշռության դիրքից՝ ճոճանակը տատանվում է միայն ներքին ուժերի ազդեցությամբ:

Առաձգականության ուժը՝ զսպանակավոր ճոճանակի, իսկ ծանրության և թելի ձգման ուժերը թելավոր ճոճանակի ներքին ուժերն են։

Տատանվող մարմնի առավելագույն շեղումը հավասարակշռության դիրքից կոչվում է տատանումների լայնույթ :

Ժամանակի ընթացքում հավասարակշռության դիրքից ճոճանակի տատանումների շեղման նվազումն անվանում են տատանումների մարում :

Ազատ մեխանիկական տատանումները մարող տատանումներ են:

Չմարող ազատ տատանումներն անվանում են սեփական տատանումներ , իսկ դրանց հաճախությունը՝ սեփական հաճախություն ։

Տատանվող մարմնի կոորդինատի՝ ժամանակից կախված պարբերական փոփոխությունները, որոնք տեղի են ունենում սինուսի կամ կոսինուսի օրենքով, կոչվում են ներդաշնակ տատանումներ :

ՇՆՈՐՀԱԿԱԼՈՒԹՅՈՒՆ