ՄԱՅՐԱՄՈՒՏ /խորհենք միասին/

ՄԱՅՐԱՄՈՒՏ

Ասում են ,որ արևն իր մոր հետ ապրում է կապույտ մարմարաշեն շքեղ

ապարանքում,որը գտնվում է տասներկու միանման ամրոցների

միջև:Յուրաքանչյուր ամրոց չորս կողմից կամարակապ է , բակում ՝ ցայտող

շատրվանով:Այնտեղ ոչ ծառ կա ,ոչ կանաչ, ոչ կենդանի ,ոչ թռչուն ,ոչ էլ որևէ

արարած:Ցերեկը խոր լռությունն է թագավորոմ , և այդ քար լռության մեջ

կամարների տակ ննջում են բյուր աստղերը:

Ապարանքի բակում կա ոսկե մի տաղավար ,ուր բացված է արեգակի

մարգարտապատ մահիճը , որի մի անկյունում՝ լույսերի մեջ նստած ,չքնաղ

արևամայրը սպասում է որդու վերադարձին:ԵՎ ահա,օրվա

ուղևորությունից հետո ՝ հոգնած իր ապարանքն է վերադառնում բոցավառ

արեգակը:Երբ նա մտնում է բակ, լողում է ավազանում ,աստղերն

արթնանում են ,ողջունում արևին և երկինք բարձրանում :Արևամայրը

գրկում ,ջրից հանում է որդուն՝ մշտամանուկին:Վերջինս քնում

,հանգստանում է ,որ հաջորդ օրն առավոտյան վերսկսի իր մշտական

շրջագայությունը: