Matematika 3nji synp

Dersi. Matematika Synpy: III Senesi:

Sapagyň temasy: Geçilenleri gaýtalamak.

Sapagyň maksady. 1.Bilim berijilik maksady: Okuwçylara geçilenleri gaýtalamaga degişli gönükme we meseleleri çözmegi öwretmek. Ýatdan we çalt hasaplamagy öwretmek.

2.Terbiýeçilik maksady: Okuwçylarda geçilenleri gaýtalatmak arkaly matematika sapagyna bolan söýgüni terbiýelemek. Berkarar döwletiň täze eýýamynyň Galkynyşy döwrüniň ýaşlaryny kemala getirmek.

Sapagyň görnüşi: Gaýtalamak sapagy.

Sapakda ulanylýan okuw-görkezme esbaplar, sanly serişdeler, paýlama maglumatlar: Tablisalar, tema degişli soraglar.

Sapagyň gidişi:

1. Sapagyň guramaçylyk döwri:

1. Salamlaşmak. Gatnaşygy hasaba almak.

2. Okuwçylaryň sapaga taýýarlygyny barlamak.

3. Okuwçylaryň ünsüni sapaga gönükdirmek.

4. Syýasy wakalar bilen tanyşdyrmak.

2. Öý işini ýerine ýetirilişini barlamak:

Okuwçylara 101-den 1000-e çenli sanlary ýazdyrmak.

3.Geçilenleri sorag-jogap arkaly gaýtalap berkitmek:

1.Iň kiçi üçbelgili san haýsy?

2.Iň uly üçbelgili san haýsy?

3.Müň näçe belgili san?

№ 1.sah.7

Suratlar boýunça köpeltmek hem-de bölmek tablisalaryna degişli aňlatma düzüň we olary çözüň.

№ 2.sah.8

Kalendar boýunça soraglara jogap beriň.

Ýanwar aýy näçe gün dowam edýär?

Ýanwar aýynda näçe gün duşenbe, näçe gün ýekşenbe gününe gabat gelýär?

15-nji ýanwar hepdäniň haýsy güni?

№ 3.sah.8

Pälwan 15 kg, onuň jigisi Nurjahan bolsa 4 kg. Pälwan Nurjahandan näçe kilogram agyr?

№ 6.sah.9

Suratlardaky sagatlaryň görkezýän wagtyna degişli bir mesele düzüň hem-de ony çözüň. № № 8.sah.9

Ýumuşlary ýerine ýetiriň:

1) 342-niň okalyşyny hat bilen ýazyň;

2) ýedi ýüz altmyş dokuz – ýazgyny sifrler bilen ýazyň.

4.Öý işini tabşyrmak:

№ 13.sah. 10

Düýeli adam 1 sagatda 4 km ýol geçýär. Ol 3 sagatda näçe aralygy geçer?

6. Öý işini tabşyrmak:

№ 12.sah.10

5. Sapagy jemlemek we okuwçylaryň bilimlerini bahalandyrmak.

Soraglara takyk, dogry jogap beren, sapakda işjeňlik görkezip, mysallary, meseleleri çözmeklige işjeň gatnaşan okuwçylar atlandyryp, olar bahalandyrmak, bahalary synp žurnalyna, gündeliklere goýmak.