Magisterlik işini korumak.

MOLDOVA RESPUBLİKASININ ÜÜRETİM, KULTURA HEM AARAŞTIRMA BAKANNII

KOMRAT DEVLET UNİVERSİTETİ

MİLLET KULTURA FAKULTETİ

GAGAUZ FİLOLOGİYA HEM İSTORİYA KAFEDRASI

KARININ SÜRETİ GAGAUZ LİTERATURASINDA HEM FOLKLORUNDA (okul üüretmektä metodika teklifleri)  

MAGİSTERLİK İŞİ

KORUMAK

II-nci ţikl– MAGİSTRATURA

Hazırladı: MPG -20 grupasının studenti

Gümüşlü A.K.

Bilim öndercisi:

Filologiya bilgilerindä doktor Sırf Vitaliy İvanoviç

KOMRAT – 2022 yıl

AARAŞTIRMANIN NEETİ:

Göstermää nasıl var nicä 1-12-inci klaslarda üürenicilärlän uroklarda kısadan hem geniştän literatura yaratmalarından karı personajına analiz yapmaa, angı metodları, tehnikaları kullanmaa.

Göstermää karıların haklarında savaşları hem kadın üstünnüklerini o vakıtlarda, açan gagauzlar geçtilär yaşamaa Bucak kırına hem da büünkü günä kadar.

• Aaraştırmanın obyekti –

karı personajına analiz gagauz dili hem literatura uroklarında.

• Aaraştırmanın predmeti –

1-12-inci klaslarda gagauz dili hem literatura uroklarında metodları, tehnikaları kullanmak.

NEETİ TAMANNAMAA DEYNİ BELLİ EDİLDİ BU DAAVALAR:

• Yapmaa analiz literaturaya, angısında açıklanȇr gagauz karının süreti.
• Bütünneştirmää hem sistematizaţiya yapmaa kabledilmiş informaţiyaya.
• İncelemää karı personajın analiz yapmasında sıralıı.
• Seçmää analiz yapmasında o kolaylıklarını, angıları uygun gagauz dili hem literatura uroklarına.
• Yaratmaa örnek olarak çeşitli sınışları 1-12-inci klaslara gagauz dili hem literatura uroklarında kullanmaa deyni.
• Denemää bu sınışları gagauz dili hem literatura uroklarında.

• Bu tema pek aktual , çünkü büünkü gündä da karı soruşun probleması var. Çalışmanın avtoru deneyecek teklif etmää herbir klasa deyni karının analiz sıralıını, angısını onun bakışına görä var nicä kullanılsın uroklarda hem umut eder, ani kimi teklif edilän metodlar, tehnikalar uygun görünecek da kalacek üüredicilerin çalışmasında.
• Pek çok sıra üüredicilär kullanȇr sade bir payını o kolaylıkların, bu üzerä bu çalışmada incelenecek birkaçar örnek herbir klasa deyni,ani aktiv kullanmaa gagauz dili hem literatura uroklarında.
• Eni yaradılmış sınışlar 1-12-inci klaslara deyni yardımcı olacek gagauz dili üüredicilerinä, zerä onnarı düzmäk isteer beceriklik, alȇr diil az vakıt, hazır halda da, nicä başka disţiplinalarda, internettä yok.

Masterlik işimdä korunan problema, neet, daavalar verdilär kolaylık belli etmää aaraştırmak metodlarını:

• analiz literaturaya aaraştırılan temaya görä; sözleşmäk; praktikada sınışları denemäk.

MASTERLİK İŞİN STRUKTURASI BÖLÄ:

Giriş

Problemanın istoriografiyası

3 bölüm:

I. Başlankı 1-4-ncü klaslara deyni üürenmäk kiyatlarında verili yaratmalarda karı personajına analiz

II. Gimnaziya (5 - 9-ncu klaslar için) üürenmäk kiyatlarında verili yaratmalarda karı personajına analiz

III. Liţey (10-uncu -12-inci klaslara deyni) üürenmäk kiyatlarında verili yaratmalarda karı personajına analiz

Çıkış

Bibliografiya

Eklentilär

• Giriştä açıklanȇr aaraştırmanın neetleri, daavaları, belli ediler aaraştırılan materialın aktuallıı, faydası, angısını o verer gimnaziya hem liţey klaslarında gagauz dili uroklarına.
• İsteerim savaşmaa açıklamaa ölä lääzımnı hem aktual daavaları, nicä «karı hem zaamet», «karı hem üüretim», «karı hem aylä», «karı hem din», «karı hem dil orientațiyası».

Problemanın istoriografiyası

Karı temasınnan baalı kendi aaraştırmalarını tiparladılar M.Maruneviç, L.Çimpoeş, G.Mutaf, V.Sırf, S.Kuroglu hem başkaları da.

Tezis toplumunda, angısı adalıydı 9-ncu Çakir okumaklarına, var G.N.Mutafın «Yanık karıların ecelleri M.A.Kuyumcunun yaratmalarında» statyası. [22] M.Kuyumcunun yaratmalarında açıklanȇr karıların ecelleri. Nasıl karılar ilerki vakıtta zoru çekärmişlär. Çoyu fukaarä yaşarmış. Büük kahırları varmış. Yazıcı savaştı göstermää karı süretini diil sade islää taraftan, ama kusurlarını da üzä çıkardı. M.A. Kuyumcu çok gözäl, becerikli yazdırȇr gagauz karıların zor yaşamasını, onnarın ecellerini açıklȇȇr. Yazıcının yaratmaları terbi ederlär okuyucuları, göstererlär kimi karıların yannışlıkları, örnek olsun çoyu insannara.

V.Sırf «Система образов и персонажей в гагаузской волшебной сказке (женские образы и персонажи) Gagauz büülü masalında personajların hem süretlerin sisteması (karı süretleri hem personajları).

Statyada bakılȇr karı süretleri hem personajları, angıları Bucak gagauzların büülü masallarında var. Bir örnektä bu baş kahraman veriler nicä ii personaj (dädunun kızı), ama başkasında kötü süret (Cadı babu). Gagauz halk büülü masalların bütün poetikası izmet eder baş personajı ideal etmää hem halkın masallı adetlerindän çıkmȇȇr. Bir sıra artistik hem stilistik kolaylıkları, angıları kullanılı karı personajlarını göstürmää deyni, estetika dooruduluu, masalın özel artistik dünnesini yardım eder resimnemeyä, angısında hem gözäl hem da çirkin var. Bu gösterer halkın beceriklerini bulmaa hem kurmaa hergünkü yaşamaan olaylarında türlü poetika süretlerini.

İLK BÖLÜMDÄ AARAŞTIRILȆR:

• 1.1.Üürenmäk kiyadında «Bukvalık» 1-nci klasa deyni yaratmalar.
• 1.2.Üürenmäk kiyadında «Gagauz dili hem literatura» 2-nci klasa deyni «Serbest okumak» bölümündän yaratmalar.
• 1.3.Üürenmäk kiyadında «Ana dili hem literatura okumakları» 3-ncü klasa deyni yaratmalar.
• 1.4.Üürenmäk kiyadında «Ana dili hem literatura okumakları» 4-ncü klasa deyni «Literatura okumakları» bölümündän yaratmalar.
• 1.5. 1-4-ncü klaslara deyni verili yaratmalarda karı personajına analiz yapmakta tehnikalar.

İKİNCİ BÖLÜM

• 2.1.Üürenmäk kiyadında «Gagauz dili hem literatura» okumakları 5-nci klasa deyni «Literatura okumakları» bölümündä yaratmalar.
• 2.2. Üürenmäk kiyadında «Gagauz dili hem literatura okumakları» 6-ncı klasa deyni «Literatura okumakları» bölümündän yaratmalar.
• 2.3. Üürenmäk kiyadında «Gagauz dili hem literatura» 7-nci klasa deyni «Literatura» bölümündän yaratmalar.
• 2.4. Üürenmäk kiyadında «Gagauz dili hem literatura» 8-nci klasa deyni «Literatura» bölümündän yaratmalar.
• 2.5.Üürenmäk kiyadında «Gagauz dili hem literatura» 9-ncu klasa deyni «Literatura» bölümündän yaratmalar.
• 2.6. 5-inci - 9-uncu klaslara deyni verili literatura yaratmaların kolaylıkları, davaları.

ÜÇÜNCÜ BÖLÜM

3.1.10-uncu klasa deyni okumak için yaratmalar.

3.2. 11-inci klasa deyni okumak için yaratmalar.

3.3.12-inci klasa deyni okumak için yaratmalar.

3.4. Nonliterar tekstlerindä gagauz karı personajına analiz.

STATYA «MULTİ UROK» SAYFASINDA

ŞKOLADA İŞLERİN ÖRNEKLERİ

ÇIKIŞ

Bitki payında:

• yapılȇr çıkış bütün çalışmaya görä;
• bütünneştiriler teoriya hem praktika aaraştırmaların sonuçları;
• belli ediler tamannanabilindi mi daavalar, angıları koyulduydu bu işä başlamak etabında.

Aprobaţiya geçti D.Çelengirin adına Avdarma teoretik liţeyindä 7-inci- 10-uncu klaslarda gagauz dili uroklarında tradiţion üürenmäk proţesin sırasında.