Қызыл телпекке көмек

Тәрбиеші: Ахатова А.Қ. Пән: «ҚМҰҚ»

Тақырыбы: «Қызыл телпекке көмек »

Мақсаты: Білімділік: Сандарды тура және кері атауға үйрету. Пішіндердің көлемін, түсін дұрыс ажыратуға дағдыландыру.

Дамытушылық: Балаларға әртүрлі тапсырмалар бере отырып, зейіндерін, логикалық ойлау, есте сақтау қабілеттерін дамыту, ұжыммен жұмыс жасау барысында бірлесіп шешім қабылдауды қалыптастыру.

Тәрбиелік: Балалардың бойында мейірімділік, достық сезімдерін тәрбиелеу.

Педагогикалық технологиялар:Түсіндіру әдісі , сұрақ-жауап әдісі ,көрсету.

Ресустармен қамтамасыз ету: Геометриялық пішіндер, сандар ,суреттер

Билингвалдық компанент: Сандар – цифры, пошташы-почтальон, қызыл телпек – красная шапочка , қасқыр – волк, бәліш- пирожки

Ұйымдастырылған оқу қызметінің барысы:

1.Ұйымдастырылған кезең:

- Балалар, бүгінгі сабағымыз ерекше өтеді. Себебі бізге көптеген апайлар келіпті. Олай болса қонақтармен амандасайық.
Күннің көзі ашылып,
Көкке шуақ шашылсын.
Құтты қонақ келіпті.
Төрімізге еніпті.
Сәлеметсіздер ме, апайлар.
- Балалар, сендерге аналарың бүгінгі сабаққа өте жақсы қатыссын деп көтеріңкі көңіл - күй сыйлап кетті. Сендер де аналарыңды қуантып, бүгінгі сабаққа белсенді қатысыңдар жақсы ма?

Ғажайып сәт: 
Балалар тыңдайықшы біреу есік қағып тұр.

Бұл кім болды екен?

Салеметсіңдер ме, балалар?

Мен сендерге сәлемдеме алып келдім. Бұл сәлемдеме Қызыл телпектен. (Қызыл телпектің хаты)

2.Негізгі бөлім:

- Балалар ертегі кейіпкеріне көмектесеміз бе 
- Ия 
Бірінші бәлішті табу үшін, мына жұмбақты шешу керек . 
1-Жұмбақ: Ағайынды бәрі:
Шықса-көк,
Түссе-сары. (Жапырақтар)

Тәрбиеші: Олай болса жапырақтар арасынан біз бәлішті іздеп көрейікші. 
( жапырақ арасынан бәлішті табады.) 
-Балалар біз жұмбақты шештік , бәлішті таптық енді, бәліштің артындағы тапсырмасын орындап көрейік. Тапсырмамыз 1-5ке дейін тура және кері санау, және ағылшын орыс тілдерінде қайталау.

-Жарайсыңдар балалар сіздер тапсырманы жақсы орындадыңдар,бәлішті себетке салайық.

-Балалар себетте неше бәліш болды?

- Енді екінші бәлішті табу үшін, біз тағы жұмбақ шешуіміз керек екен. 
2-Жұмбақ:

Қабат –қабат қаттама 
Ақылын болса аттама 
(Кітап)
Балалар жұмбақтың шешуін тауып,кітаптардың арасынан бәлішті табады 
Балалар біз жұмбақты шештік , бәлішті таптық енді, бәліштің артындағы тапсырмасын орындап көрейік.

«Дьенеш» блоктарымен суреттерді құрастырайық

-Жарайсыңдар, балалар сіздер бұл тапсырманыда жақсы орындадыңдар,бәлішті себетке салайық.

-Балалар себетте неше бәліш болды?

-Енді келесі бәлішті табу үшін біз тағыда жұмбақты шешуіміз қажет. 
3-Тақпақ:

Ойыншықтарым көп менің,
Бәрін жақсы көремін.
Кешке дейін жалықпай,
Бірге ойнап жүремін.

Балалар бұл тақпақта не туралы айтылып тұр.дұрыс айтасыңдар ойыншық.
Тәрбиеші: Олай болса ойыншықтардың арасынан біз бәлішті іздеп көрейікші. 
( ойыншықтардың арасынан бәлішті табады.) 
-Балалар біз жұмбақты шештік , бәлішті таптық енді, бәліштің артындағы тапсырмасын орындап көрейік. «Адасқан цифрлар»

Мақсаты: баланың ойлау жылдамдығын арттыру.
шарты:  Тәрбиеші 2, 4, 3 цифрлары жазылған кішкентай үйшіктер. карточкаларды тақтаға іледі, балалар қалып қойған санды атап, рет-ретімен қою.

-Жарайсыңдар балалар сіздер тапсырманы жақсы орындадыңдар,бәлішті себетке салайық.

-Балалар себетте неше бәліш болды?

- Енді келесі бәлішті табу үшін, біз мына сұрақтарға жауап беруіміз қажет .

4-Сұрақ -жауап:

-Балалр қараңдаршы мында не көріп тұрмыз.( қасық, кесе, пышақ, шанышқы , тәрелке)

Дұрыс балалар біз бұлардың бәрін бір сөзбен не деп айтамыз.

(Ыдыстар)

-Ендеше балалар осы ыдыстардың арасынан бәлішті іздеп көрейікші , мүмкін зұлым қасқыр осында тығып қойған болар.
Жарайсындар балалар,біз бәлішті таптық , бұл бәліштегі тапсырмада Зұлым қасқыр сендердің билеріңді көргісі келеді екен, шаршаған боларсыңдар келіңдер бәріміз сергіту сәтің орындайық 

Қолдарым менің алда

Апарам оны артқа

Әкелем оны алға

Былай , былай селт жаса

Би билейміз көңілденіп

Айналамыз дөңгеленіп

Қолымызды қатты соғамыз

1,2,3,4,5

Буги , буги ОК!
Балалар ұнадыма сендерге?
Келесі ттапсырманы тезірек орындап бәлішті тауып алайық. 
5-Суретпен жұмыс.

-Балалар мына суреттерде не көріп тұрсыңдар .

-Дұрыс айтасыңдар , бұл жыл мезгілдері. (жеке –жеке жыл мезгілдерін атап шығады.)

-Қараңдаршы балалар мына суреттердің арасында біздің іздеген бәліш жатыр екен. Бұл бәліштегі тапсырманы көрейік.

-Балалар бізге «Ғажайып қалта» ойының ойнауды ұсынып тұр . Мен қалтадан пішіндерді аламын сендер пішіндерді атап түстерін айтасыңдар.
Жарайсыңдар балалар кәне бәліштерді тура және кері санайықшы санайықшы бізде неше бәліш болды? 

Қорытынды :

Балалар біз Қызыл телпектің бәліштерін жинап себетке салып қойдық. Енді осы бәліштерді поштамен Қызыл телпекке жіберейік.

-Балалар бүгін бізге қонаққа кім келді?

-Ол бізге не әкелді?

-Біз кімге көмектестік?

«Қостанай қаласы әкімдігінің

Қостанай қаласы әкімдігінің білім бөлімінің

№11 бөбекжай-бақшасы»

Мемлекеттік коммуналдық қазыналық кәсіпорны

Ашық сабақ

Білім беру саласы: «Таным» ҚМҰҚ

Тақырыбы: «Қызыл телпекке көмек»

Өткізген : Ахатова А.Қ.

2018 оқу жылы