Кыргыз элимдин көөнөрбөс мурастары. Бата

Калдайып турган тоо сүйсүн,

Ишиңди коллегалар бүт сүйсүн.

Ичкениң минерал суу болсун,

Өмүрүң түгөл дуу болсун

Чайкаганың чай болсун,

Чайнаганың май болсун.

Бата бердик жаш кары,

Алганың менен тең кары!

Тенирим берген бакытты,

Тепкилесе кетпесин.

Кудайым берген бакытты,

Кубаласа кетпесин!

Эчкиң эгиз туусун,

Эки жылда сегиз туусун.

Казанында май кайнасын,

Пайгамбарым төрүнөрдө тайрандасын.

Ат берсе ала берсин,

Акылдуу баш бала берсин.

Пайгамбар назарын берсин,

Кыдырым баарын берсин!

Казынаң чачылбасын,

Каймагын бузулбасын.

Уулуң урум болсун,

Кызың кырым болсун!

Дасторконуң жабылбасын,

Кайгы сага кабылбасын

Сыймыктуу дөөлөт жашынбасын

Жашооңдо тойлор көп болуп,

Ийгиликтер кайра-кайра кайталансын!

Бак карасын,

Кыдыр даарысын.

Кудай жалгасын,

Жан-башынды,

Аман кылсын баарысын!

Кызырың кыяласын,

Ырысың уяласын.

Башынан бак тайбасын,

Үй-бүлөдөн ынтымак качпасын!

Кетпес кешиктүү бол,

Кенири дөөлөттүү бол.

Улуунун жашын берсин,

Вангонун башын берсин!

Көл боюнда талын болсун,

Көлөкөлөөр чагын болсун.

Үйүңдүн үстү жагында,

Үн тартылган кайын болсун!

Үйүң толо бала берсин,

Кудайым сага бата берсин.

Аттанып үйдөн чыкканда,

Ар дайым жолун болсун!

Башынды таштан кылсын,

Урматтуу асыл заттан кылсын.

Сулуулугун күндө артып,

Алган жарың мактансын.

Билимин жугумдуу болсун,

Таалимин татыктуу болсун.

Адебин ашып ар дайым,

Ардактуу келин болсун!

Башынан бакыт кетпесин,

Башканын каргышы жетпесин.

Балдарын чечен болсун,

Бир тууганы эсен болсун!

Кыдыр сени даарысын,

Кылымга атын таанылсын.

Тилин кызыл болсун,

Тилегин узун болсун!

Кудай бак берсин,

Бак берсе бат берсин.

Кудайым ырыс берсин,

Ырыс берсе дурус берсин!

Жаркыраган гүлдөй бол,

Жайнап жаткан чоктой бол.

Күнүң кыяласын,

Күнүң уяласын!

Бактылуу бол, баштуу бол,

Узун өмүр жаштуу бол.

Телегейин тептегиз,

Малынып турсун майга кол!

Бактылуу болуп балдарын,

Ачылсын багы ар дайым.

Түндүктөн ырыскы куюлуп,

Жолу болсун күн сайын!

Өзүңө узун өмүр берсин,

Балдарына бак берсин.

Бакыт берсе,

Ар дайым артык берсин!

Көтөр айым билегинди,

Кудайым берсин тилегинди.

Бак карасын,

Кыдыр даарысын!

Атадан калган ак бата,

Ар адамга бап бата.

Айыкпас балаа,

Жок жалаадан сактасын.

Ата-бабандын арбагы колдосун,

Эч жамандык болбосун!

Кудайым кабыл көрсүн тилегинди,

Каз каркылдап кечкис көл бол.

Куш куркулдап, өткүз кол бол.

Балдарын журтка таанылсын!

Илимин башка толсун,

Илебин ташты жарсын.

Казанын кайнап турсун,

Отун жайнап турсун!

Башындан бакыт кетпесин,

Жооңо бийлик жетпесин.

Шыбагалуу баш берсин,

Берекелүү баш берсин.

Баркыраган башберсин,

Уучун узарсын.

Жаның жыргасын,

Өмүрүң узун болсун!

Өрүшүң жайык болсун,

Ырысын журттан ашсын.

Көңүлүң толкуп жатсын,

Эч нерседен кем болбо!

Үй-бүлөңө бакыт берсин,

Ырыскынды каухардай чачып берсин.

Бак карап, кызыр даарып, ырыс жетип

Дөөлөтүң суудай агып, өсүп өтсүн!

Каныкейдей тилектүү бол,

Айчүрөктөй келиндүү бол.

Алманбеттей, уулдуу бол,

Өзүң өмүрлүү бол!

100 жаш өмүр берсин,

Курманжан датканын

Көңүлүн берсин,

Үйүнө кут береке берсин!

Атактуудан улуу бол,

Жалтырактан түстүү бол.

Ардактуудан күчтүү бол.

Акылдуудан бийик бол!

Энелүүдөң эрке бол,

Эл алдында эрке бол.

Кызыл тилден тандайлуу бол,

Ырыскыдан мандайлуу бол

Кийимин кептуу болсун,

Ишин эптуу болсун.

Дидарын чуроктоу болсун,

Жашоон корктуу болсун!

Өмүрүң узун болсун,

Өрүшүң жайык болсун.

Тукумунар журттан ашып,

Тууганын канат болсун!

Жети мүчөл жашагын,

Тартпагын жоктун азабын.

Билимдүү болсон жөлөк бол,

Баарыбызга өбөк бол!

Ак саамайлуу байбиче бол,

Алганын менен тең карып

Жейрендин этин ашагын,

Жети мүчөл жашагын!

Буудайдай бутакта,

Талдай шакта.

Жүзүмдөй мөмөлөп,

Арчадай көгөр!

Алдынды бала бассын,

Артынды мал бассын.

Ак жоолугун башынан ообасын,

Алганын менен тен кары!

Көчтө минер Жипиң болсун,

Тойдо кийер шубан болсун.

Өзүңө бап күйөөң болсун,

Жетелээрге балаң болсун!

Үнүң угумдуу болсун,

Колуң жугумдуу болсун.

Окуткан балдар кубанып,

Сизди сыйлагандай болсун!

Кызын сыйлуу болсун,

Уулуң урматтуу болсун.

Келиниң келбеттүү болсун,

Жашыңа жаш кошулсун!