Конспект урока "Семья"

Дзяржаўная ўстанова адукацыі

“Зажэвіцкая сярэдняя школа Салігорскага раёна”

МЕТАДЫЧНАЯ РАСПРАЦОЎКА ВУЧЭБНАГА ЗАНЯТКУ

ПА ЛІТАРАТУРНЫМ ЧЫТАННІ Ў 2 КЛАСЕ

“Васіль Жуковіч “Сям’я”

Настаўнік пачатковых класаў

І кваліфікацыйнай катэгорыі

Кунцэвіч Г. М.

аг. Зажэвічы, 2022

ТЭМА: В. Жуковіч. Сям’я.

ЗАДАЧЫ: пазнаёміць з задачамі раздзела; узбагачаць слоўнікавы запас вучняў лексікай твора В. Жуковіча; фарміраваць чытацкія ўменні знаходзіць адказы на пытанні з дапамогай выбарачнага чытання; развіваць уменне бачыць вобразныя карціны, створаныя аўтарам; выхоўваць дружалюбныя і паважлівыя адносіны да членаў сям’і.

Ход урока

1. Арганізацыйны момант урока

Добры дзень. Вітаю ўсіх:

Хлопчыкаў і дзяўчынак дарагіх —

Усіх, хто сёння прыйшоў у клас,

Для літаратуры беларускай час!

2. Уступная гутарка да тэмы

Для таго, каб даведацца тэму нашага ўрока, я прапаную вам разгадаць рэбус. Паглядзіце на экран. (слайд 1)

Якое слова атрымалася? Так, слова – сям’я.

Прыём “Кластэр” (слайд 2)

Скажыце, а якія асацыяцыі ў вас узніклі, калі вы пачулі слова сям’я?

Давайце паспрабуем запоўніць малюнак на экране. (дзеці

з прапанаваных слоў выбіраюць тыя, якія падыходзяць да слова сям’я

і засяляюць імі аблокі)

Вельмі шмат легенд, прытчаў, смяшынак, вершаў існуе пра ўзаемаадносіны ў сям’і, пра выхаванне дзяцей. І зараз прачытайце прытчу «Тры жанчыны». (Уголас чытае вучань.) (Дадатак 1)

Тры жанчыны бралі ваду з калодзежа. Да іх падыйшлі сыны. Адзін пацалаваў сваю маці і пабег далей. Другі спытаў: «Ты не стамілася, мама?» — і пабег даганяць таварыша. Трэці моўчкі ўзяў вёдры і панёс іх дамоў. Мудрэц усё бачыў і сказаў, што ён заўважыў тут толькі аднаго сына.

- Чаму мудрэц сказаў, што тут быў толькі адзін сын?

- Чаму вучыць гэта прытча?

3. Моўная размінка

Прыём “Залюстроўе” (дзеці чытаюць верш справа налева) (слайд 3)

- Колькі чалавек у гэтай сям’і?

- Давайце прачытаем яшчэ раз, з радасным настроем.

- А зараз адкрыйце падручнікі на с.3

4.1. Пытанні і заданні

- Пералічыце, хто адлюстраваны на малюнку.

- Якія адносіны, на вашу думку, пануюць у гэтай сям’і? (Павага да старэйшых, бо дзед і бабуля сядзяць на канапе, астатнія члены сям’і ўважліва іх слухаюць.

На тварах і дзяцей, і дарослых лагодныя ўсмешкі.)

- Якія думкі ў вас выклікае гэты малюнак? Абгрунтуйце адказ.

- Як вы думаеце, адкуль пайшло слова сям’я?

4.2. Рубрыка “Гэта цікава” (слайд 4)

- Адкуль жа бярэ свой пачатак слова сям’я?

4.3. Аналіз старонкі - навігатара з чытаннем падрубрык

“Мы пазнаёмімся”, “Мы будзем вучыцца” і “Мы навучымся” і гутаркай па

іх змесце.

5. Вывучэнне новай тэмы

5.1. Работа над вершам В. Жуковіча “Сям’я”

Першасны сінтэз

• Работа са словамі, якія могуць быць незразумелымі ў вершы

В. Жуковіча “Сям’я" (рубрыка “Слоўнік”, с. 4).

• Чытанне твора настаўнікам.

• Высвятленне першаснага ўспрымання тэксту вучнямі.

-Ці спадабаўся вам верш? Чаму?

-Які настрой выклікаў у вас верш? Абгрунтуйце свой адказ.

Аналіз твора і другасны сінтэз

• Чытанне верша вучнямі, адказы на пытанне 2, 4 (с. 5).

• Выбарачнае чытанне ласкавых слоў, ужытых у вершы, абгрунтаванне іх ролі ў перадачы настрою твора. (слайд 5)

• Прыём «Пісьмо з дзіркамі» (слайд 6)

Знайдзіце радкі ў вершы і дапішыце словы, якіх не хапае.

• Падрыхтоўчая работа да выразнага чытання вер­ша:

- вызначэнне настрою,

- выпрацоўка ўмення захоўваць пры чытанні неабходную інтанацыю і паўзы.

• Паўторнае чытанне верша вучнямі.

-Мы прачыталі верш, давайце ўспомнім тыя асацыяцыі, якія ўзніклі

ў вас ў пачатку ўрока. Ці падцвердзіліся яны пасля знаёмства з творам?

Фізкультхвілінка

Я, ты, ён, яна -

Наша слаўная сям'я. ( маршыруюць)

Усміхнёмся вочы ў вочы, ( павароты ўлева, ўправа, ўсміхнуцца)

Ля сталоў сваіх пакрочым. ( хадзьба на месцы)

Прысядаем усе разам

Са сваім цудоўным класам. ( прысяданні)

Я, ты, ён, яна –

Наша слаўная сям’я! ( маршыруюць)

5.2. Рубрыка “Давайце абмяркуем тэму разам" (с. 6—7): абмеркаванне тэмы “Мая сям’я” з апорай на малюнак “Сямейнае дрэва”

і пытанні, змешчаныя ў падручніку.

5.3. «З крыніц народных”.

На тэму “Сям’я” складаліся не толькі вершы, апавяданні, прытчы,

але і прыказкі. Ці ведаеце вы такія прыказкі? Я прапаную гульню “Знайдзі пачатак і канец прыказкі” (слайд 7).

( Тлумачэнне сэнсу прыказак)

5.4. Гульнёвае практыкаванне “Хто каму кім да водзіцца?”

- Хто з’яўляецца мужам вашай мамы? (Ваш тата, бацька.)

- Хто з’яўляецца жонкай вашага таты? (Ваша мама.)

- Кім з’яўляецца хлопчык для бацькоў? (Сынам.)

- Кім з’яўляецца дзяўчынка для бацькоў? (Дачкою.)

- Як вы называеце матулю вашага таты ці мамы? (Бабуля.)

- Як вы называеце тату вашага бацькі? (Дзядуля.)

- Кім даводзіцца вам татава ці маміна сястра? (Цёткай.)

- Кім даводзіцца вам іх брат? (Дзядзькам.)

- Кім даводзіцца дзяўчынка бабулі і дзядулю? (Унункай.)

- Як назавуць хлопчыка яго бабуля і дзядуля? (Унук.)

6. Дамашняе заданне

Выразнае чытанне верша В. Жуковіча “Сям’я”. Па магчымасці прынесці фотаздымак сваёй сям’і.

7. Рэфлексія

7.1 Састаўленне “Сінквейна” (слайд 8, 9)

Вашы таты і мамы вельмі вас любяць, радуюцца вашым поспехам, перажываюць, калі ў вас непрыемнасці. Часцей дарыце ім свае ўсмешкі

і прыемны настрой.

-А зараз, калі ласка, выберыце адзін са казаў і закончыце

яго сцвярджэннем.

Мне было лёгка выконваць….

Я адчуў(ла) цяжкасці…..

У мяне добра атрымалася….

Я б пахваліў(ла) сябе…

Я б пахваліў(ла) свайго таварыша….

Дзякуй за ўрок.

Дадатак 1

Тры жанчыны

Тры жанчыны бралі ваду з калодзежа. Да іх падыйшлі сыны. Адзін пацалаваў сваю маці і пабег далей. Другі спытаў: «Ты не стамілася, мама?» — і пабег даганяць таварыша. Трэці моўчкі ўзяў вёдры і панёс іх дамоў. Мудрэц усё бачыў і сказаў, што ён заўважыў тут толькі аднаго сына.