Көлөмдүү фигураны жасоо

Көлөмдүү фигураларды жасоо

Тема:Куб жана параллелепипед.Алардын жайылмасы

Классы: 4-“В” классы

Сабактын максаты:окуучулар кубдун жана параллелепипеддин жайылмасынын негизинде кесип,көлөмдүү фигурага бириктирип даярдоого үйрөнүшөт,мейкиндикте элестөө көндүмдөрү калыптанат,өз ара туура мамилелешүүгө тарбияланышат.

Сабактын жабдылышы:окуу китеби,дептер,карандаш кайчы клей,фигуралардын жайылмасы

Маанилүүлүгү:окуучулар көлөмдүү фигуралардын моделдерин даярдашат, пред-меттик-манипулятивдик ишмердүүлүгү өнүгөт,бөлүктөн куроо көндүмү өнүгөт,чийме каражаттары менен иштөө көнүмү өөрчүйт,мейкиндик элестөөсү,логокалык ой жүгүртүүсү өсөт.

Сабактын жүрүшү:

1-этап.Сабакты ачуу жана сабакка киришүү.

Уюштуруу.Жагымдуу маанай түзүү(“Мен мактанбайм,бирок.....) жана топторго бөлүү (геометриялык фигуралардан тандап тобун аныкташат).

Темага байланышкан билимдерин эске салуу сабакты актуалдаштыруу.

-Стол үстүндөгү фигураларды кандайдыр бир белгиси,касиети боюнча 2 топко бөлгүлө жана эмне үчүн ушундай иштегенииңди түшүндүрүп бергиле.

-Жалпак фигуралар кайсылар?Эмне үчүн жалпак фигура дейбиз?

-Көлөмдүү фигураларды атай аласыңбы?

-Бул фигуралардын окшоштук жана айырмачылыктарын айтып бергиле.

-Көлөмдүү фигураларды турумушубузда кай жерде кездештиребиз?

2-этап.Окуучуларда түшүнүүнү калыптандыруу

• Маселени чыгаруу:Окуучуларды жупта иштөөнү сунуштоо жана тапшырма берүү(убакыт 5мин):

-таратылган чиймени карап чыгып,чеги боюнча кескиле,

-пунктир сызыктар боюнча бүктөгүлө,

-чогултуп чаптагыла.

-Пайда болгон фигуранын канча граны,канча кыры жана канча чокусу бар?Санап көрсө аласыңарбы?

• Талкуулоо:чийме жана аткарылган иш боюнча ой жүгүртүүлөрүн түшүндүрүп берүүсүн суроо

• Багыттоочу суроолор:

-Кандай фигураны түзө алдыңар?

-Чийме боюнча фигураны кантип чогултканыңарды көрсөтүп бергиле.

-Кубду куроонун башкача жолу менен бөлүшө аласыңарбы?

-Кубга,параллелепипедге кандай математикалык мүнөздөмө бере аласыңар?

• Карама-каршы пикир жаратуу:

-Башка класстын окуучусу жайылманы куроодо 6 квадрат пайда болду дейт.

-Силер бул окуучунун айтканына кошуласыңарбы?Ал бул жыйынтыкка кантип келди?

-Жооп туура эмес болсо,ал окуучуга кантип түшүндүрөсүңөр?

• Моделештирүү жана жыйынтыктоо:

-Эгер көлөмдүү фигуранын кырларын кесип,тегиздикке жайгаштырсак,анда ал фигуранын жайылмасы болот.

-Жогоруда силер көлөмдүү фигураны түзүүнү үйрөндүңөр жана бир бети тегиздикте жатса,калган бөлүгү мейкиндикте жатарын аныктадыңар.

-Кубдун жана паралеллепипеддин 6 граны,8 чокусу,12 кыры бар экенин чогуу санайлы.Демек куб параллелепипед болот.

-Бардык көлөмдүү фигуранын жайылмасын түзүүгө болот.

-Слайд көрсөтүү менен фигураларды мейкиндикте элестүү кабыл алууга багытоо

-Кубга дагы мисал келтирсек:күндө колдонгон ичүүчү түздүн кристаллы куб формасында болот экен.

• Эс алуу мүнөтү:музыканын коштоосунда фигуралардын абалын туурап дене-боюн жазышат.

• Практика:бардык окуучуга жайылмалар таратылат.

Жогорку деңгээл:

параллелепипеддин жайылмасына карата тапшырма:

-карама-каршы же параллел грандарына бирдей фигураларды тарткыла жана жообуңардын тууралыгын жайылманы чогултуп текшергиле

Туура келген деңгээл:

кубдун жайылмасына карата тапшырма:

1.Төмөнкү граны боелгон болсо,кайса граны жогорку болот.

Аны башка түс менен боеп,тууралыгын текшерүү үчүн жайылманы чогулт

2.Төмонкү граны боелгон.жогорку гранынын цифрасын тегеректе.

Тууралыгын текшерүү үчүн фигураны чогулт.

Төмонкү деңгээл: таратылган жайылмалар(куб,параллелепипед) боюнча фигураларды чогултуу.

3-этап:Окутуунун жыйынтыктарын баалоо

• Ыкчам текшерүү:

Кубдун төмөнкү граны боелгон,жогорку гранын кайсы санда турат

Эгер параллелепипеддин чоң граны карага боелгон,каршы граны кандай өндө?

• Рефлекция:

-Бүгүнкү сабакта эмне үйрөндүңөр,эмне кызыктуу болду?

-Сабак түшүнүктүү болду

-Бироого жардам бердим

-Мен түшүнүүдөн кыйналдым

• Жыйынтыктоо:Блумдун кубу

• Аталышын ата:Сабакта кандай фигуралар менен тааныштыңар?

• Эмне үчүн?Бул фигуралар көлөмдүү деп аталды?

• Түшундүр:Куб парелеллепипед экенин түшүндүр

• Сунушта:Кубду дагы кандай жерге колдонсо болот?

• Ойлоп тап:парелеллепипед жок болсо,ордуна эмне колдонмоксуң?

• Башкаларга бөлүш:Сабактан кандай таасир алдың?

• Үй тапшырма: