Кесир сайылар (Дробные числительные)

Тувгъан (къырымтатар) тили, 6 сыныф

Дерс

Дерс куню:

Мевзу: Кесир сайылар.

Макъсатлар: сайылар акъкъында талабелернинъ бильгилерини пекитмек; кесир сайылар акъкъында бильгилерини менимсетмек; сайыларны метинлерде, нутукъта сечмеге ве къулланмагъа алыштырмакъ, талебелернинъ фикир этюв къабилиетлерини. нутукъларыны инкишаф этмек;

УОА:

Фен: кесир сайыларны агъзавий ве язма нутукъта къулланмагъа огретмек; оларны метинлерде, агъзавий нутукъта айыра бильмек, талебелернинъ лугъат байлыгъыны арттырмакъ; нутукъ медениетини тербиелемек.

Регулятив: козетюв нетиджеси эсасында фикирини сеслендирмек. Дерснинъ мевзу ве проблемини шекиллендирмек; чезюв ёлларыны араштырмакъ, иришкен нетиджелерге къыймет кесюв.

Бильги алув: эсас малюматны айыра бильмек; онынъ эсасыны сечип ала бильмек. Делиллер иле фикир юрютювлер тизмек; сёзлерни мустакъиль сечип алынгъан делиллер эсасында группаламакъ.

Коммуникатив: оджа ве аркъадашларынен ишбирлик япмакъ, нутукъ медениетине риает этмек, озь фикирини сеслендирмек, башкъаларны эшитмек ве динълемек.

Шахсий: къырымтатар тилине меракъ догъурмакъ, тилимизге севги, урьмет ашламакъ.

Дерс чешити: янъы мевзуны менимсев

Донатув: карточкалар, ребус, джедвель, дерслик

Дерснинъ кетишаты

1.Тешкилий къысым.

-Бугунь айнынъ къайсы куню?

-Афтанынъ насыл куню?

-Бугунь ким невбетчи?

-Дерсте ким ёкъ?

2.Невбетчининъ рапорты

3. Кечкен мевзуны текрарлав.

А) Суаль – джевап:

1. Кечкен дерсте насыл мевзуны огрендик?

2. Сайылар насыл группаларгъа болюнелер?

3. - Чифт оюны. Сёзлер ичинда насылдыр сезлер "сакълангъан". Оларны тапынъыз.

Кучь

бешик

тедбир

экин

алтын

седие

тон

къыркъмакъ

муэллиф

ишлетмиш

сюзмек

мектебинъ

Тешкерюв.

- Язгъан сезлеримиз насыл суалине джевап берелер?

- Нелерни анълаталар?

Б) 1. Ракъамлы диктант.

Оджа сайыларны айта, балалар исе оларны ракъамларнен косьтерелер.

Он беш, йигирми учь, элли дёрт, сексен эки, къыркъ докъуз, юз отуз еди, бинъ докъуз юз алтмыш бир, эки бинъ он докъуз, беш бинъ алты.

2. Тахтада ракъамлар язылгъан, талебелер оларны сёзлернен язалар.

11- он бир

20 - йигирми

55 – элли беш

103- юз учь

1060 – бинъ алтмыш

4. Дерснинъ мевзуны ве макъсадыны бельгилев.

Балалар ресимли булмачаны чезип дерс мевзуны тапалар.

- Демек, биз бугунь кесир сайыларны огренеджекмиз. Олар насыл мананы ифаделей, насыл суаллерге джевап бере? Оларны насыл окъумакъ керек?

Биз бу суаллерге джевап берип оламайыкъ. Шунынъ ичюн макъсадымыз – сайылар акъкъында малюматны огренмек.

II Янъы мевзуны анълатув:

Кесир сайылар предметнинъ къысымларыны ифаделей.

Олар эки чешитте олалар:

• Ер келиши ярдымынен япылгъан: экиде бир, беште учь, дёрт бутбн учьте эки.

Сурет

Махредж

• Озь-озюнен кесир манасыны ифаделеген сёзлер: черик, ярым, бучукъ.

0, 2 – онда эки

0, 28 – юзде йигирми секиз

0, 637 – бинъде алты юз отуз еди

7, 25 – еди бутюн юзде йигирми беш

43,8 – къыркъ учь бутюн онда секиз

Беден тербие дакъкъасы

III Дерсни пекитюв.

1. Талебелер тахтада чалышалар. Олар невбетнен тахтагъа чыкъып, ракъамларнен берильген сайыларны сёзлернен язып алалар.

 Берильген сайыларны сёзлернен язынъыз.





IV. Дерсни умумийлештирюв.

1. Рефлексия

Бугунь бизде ким яхшы чалышты?

Ким актив эди?

Ким дерснен меракъланды?

Озюнъизге насыл баа къоярсынъыз?

Дерснинъ сонъунда кейфинъиз насыл?

2. Эв иши

Ракъамларны эзберлемек

3. Баалав.

4