Ийрим. Код жазуу

Код жазуу

5-класс

План: түйүндүү түшүнүктөр;

Код;

Текстти коддоо;

Пиксель;

ASCII

• Коддоо;
• Тексттерди коддоо;
• Сүрөттөрдү, видеолорду коддоо;
• Үндү код менен чагылдыруу;
• Бышыктоо;

1) Код жазуу

Компьютердин эс тутумунда сакталган маалыматты программалык буйруктарга айлантуу – код жазуу деп аталат. Себеби эс тутумдагы бардык маалымат ар түрдүү символдордун, цифралардын жардамы менен гана сакталат. Мындай символдорду БИТ деп коюшат. Бир бит компьютердеги эки символду гана туйунтат. Биттен чоң байт,мегабайт, гигабайт, терабайт деген маалымат сактоочу коддор бар.

2) Тексттерди коддоо

• Тексттик маалымат цифралар, үтүр, чекиттер, атайын символдор, тамгалар, пробелдер, саптар сыяктуу коддордон турат. Азыркы тапта дүйнөдө ASCII (American Standart Code for Information Interchange) же Американын маалымат алмашуучу коддору деген стандарттык эрежелер кеңири колдонулууда. Ошондой эле ЮНИКОД деген стандарт да бар.

Сүрөттөрдү, видеолорду коддоо

Компьютер, планшет же смартфондун экранындагы сүрөт, видеолор – пиксел деген чекиттер менен коддолот. Экрандагы ар бир чекиттин өз түсү жана коду бар. Сүрөт да компьютердеги маалыматтын бир түрү эмеспи. Алгачкы компьютерлер монохрондуу болчу. Алардын экранында ак жана кара түстө эле сүрөт, текст чыкчу. Азыр болсо пикселдердин жардамы менен миллион, миллиард коддор аркылуу түстүү сүрөт, видео көрүп жатабыз.

Үндү код менен чагылдыруу

• Үн токтобогон, кыймылдуу жыштыкка ээ көрүнүш эмеспи. Кыймыл канчалык жогору болсо, үн ошончолук катуу чыгат. Үндү компьютерде сактоо үчүн санариптик коддоо керек. МП3, WAV, ж.б. форматындагы үндөр бар. Негизи код жазууну маалыматты сактоодогу бардык формаларга колдонсо болот. Кичинекей үндөн тарта сүрөт, килейген кино, ал тургай дүйнөдөгү белгилүү музейлер, китептер, Интернет дүкөндөр дал ушул коддор аркылуу маалыматын сактайт, чогултат.

Бышыктоо;

• 1. Компьютердин эс тутумуна маалыматты эмне менен сактайт? • Кийим салган текчеге тизип коёт • Китептердин арасына катат • Мегабайт, байт, бит сыяктуу коддук бирдиктер менен • Сандыкка салса да болот 2. Пиксель деген эмне? • Сүрөт, видео сактоодогу коддук чекит • Шоколаддын бир түрү • Мышыкка берген тамактын аты • «Манас» эпосундагы каарман 3. Музейлерди, китептерди компьютерге киргизүү эмне менен ишке ашат? • Имараттардын баарына компьютер коюп чыгыш керек • Күчүктү киргизип ийсе санап чыгат • Санариптик маалымат кампасын түзүп, коддор менен баарын киргизсе болот • Окумуштуулар диссертация кылып жазат