Համառոտագրություն

ՀԱՄԱՌՈՏԱԳՐՈՒԹՅՈՒՆ

Բառի կրճատ գրություն, բառերի կրճատ գրության ձև, երբ հաճախադեպ և ծանոթ բառերը, հատկապես անձնանունները գրում են ոչ թե լրիվ, այլ համառոտ ձևով՝ կրճատելով դրանց որոշ մասը:

Համառոտագրությունները կատարվում են հետևյալ եղանակներով.

• 1.Բառի կամ հատուկ անվան միայն առաջին տառով:

թ. (թվական), տ. (տիկին), մ.թ.ա. (մեր թվարկությունից առաջ), Վ. (Վահան)Տերյան

2.Ձայնավորով սկսվող բառերի և հատուկ անունների սկզբի ձայնավորով և նրան հաջորդող բաղաձայններով:

ընկ. ( ընկեր ), Ավ. ( Ավետիք) Իսահակյան ,Ալ. ( Ալեքսանդր ) Ծատուրյան,

3. Բառասկզբի երկու կամ երեք բաղաձայններով :

Հր. ( Հրաչյա ) Աճառյան, Վրթ. ( Վրթանես ) , Գր. ( Գրիգոր ), Դր. ( Դրաստամատ )

4.Բառի սկզբնամասով` պահպանելով այդ մասի ձայնավորը կամ առանց դրան:

Թրգմ.(թարգմանություն ), վրկ. (վայրկյան ), պրոֆ. ( պրոֆեսոր), Հովհ. ( Հովհաննես) Թումանյան

5.Բառի բոլոր բաղաձայններով` առանց ձայնավորի:

Հմմտ. ( համեմատել), մլրդ ( միլիարդ), մլն ( միլիոն)

6. Բառի առաջին և վերջին բաղաձայններով.

դ-ր ( դոկտոր), պ-ն ( պարոն)

Համառոտագրությամբ հոգնակի թիվն արտահայտելու համար համառոտագրված մասը կրկնում են:

թթ. ( թվականներ), պրն.պրն. ( պարոնայք), պրոֆ. պրոֆ. ( պրոֆեսորներ)

Համառոտագրությունից հետո դրվում է կետ:

թ., պրն., վրկ.,

Բացառություն են կազմում չափ ու կշռի միավորների համառոտագրությունները, որոնց մի մասը գրվում է առանց կետի:

կգ ( կիլոգրամ), կմ ( կիլոմետր), սմ (սանտիմետր), մ ( մետր), դմ ( դեցիմետր), լ ( լիտր)

Համառոտագրությունները պետք է կարդալ լրիվ:

https://wordwall.net/play/2010/209/221

https:// wordwall.net/play/2008/004/937