Кейіпкерлер: Нұрлы қояндар, Гүлпатшайымы, Қызыл телпек, Қарақшы.
(Көңілді әуен ойналады, жүргізушімен балалар безендірілген залға кіреді)
Тәрбиеші:
Ана десем алғыс алам халқымнан.
Ана десем теңіз болам шылқыған.
Ана десем әділтікті ұғамын,
Адам барма ана сүтін татпаған.
Алуан-алуан ауыр сынды аттаған,
Адалдықты, ар-намысты сақтаған.
Мен анамның сонысымен мақтанам!
Құрметті ата-аналар, әріптестер бүгінгі келіп жеткен 8 наурыз Халықаралық әйелдер мерекесімен шын жүректен құттықтаймын! Көктемнің шуақты күндеріндей жүздеріңізден қуаныш пен мейірім шағапын шашып, әр адамның жанына шипа бола берсін. Бақыт пен денсаулық тілеймін!
Ал енді №5 I кіші топ бүлдіршіндерін қарсы алайық.
/Әуен ойналады, ішке Қызыл телпек кіріп келеді. Ол гүл теруге шыққан/
Қызыл телпек( суық демін алып)
Енді не істеймін? Мен 8 наурыз мерекесімен әжемді, анамды құттықтайын деп едім.
Оларға гүл сыйлағым келіп еді, бірақ гүл таба алмай жүрмін. Ой, сәлеметсіңдер ме балалар?Сендер бүгін қандай әдемісіңдер! Сендер мұнда неге жиналдыңдар?
Балалар: Анамыздың, әжеміздің, мерекесін тойлау үшін жиналдық.
Қызыл телпек: Ал, сендер мерекеге не дайындадыңдар?
Тәрбиеші: Біздің №5 I кіші топ бүлдіршіндері «Аспазшылар» биін өте жақсы билейді.
Қызыл телпек: Қуанғаннан секіріп, қолын соғады. Ал маған тамашалауға болама?
Тәрбиеші: Әрине, болады. Олай болса «Аспазшылар» биін қарсы алайық.
Би: «Аспазшылар»
Қызыл телпек: Қандай жақсы. Балалар тағы қандай сыйлық дайындадыңдар?
Жүргізуші: Біздің балалар ана туралы тақпақтар айтқылары келіп отыр.
Ақназар:Анам менің сүйіктім, тек өзіңе табынам.
Панижан:Анаң болса қасыңда, басқа бақыт не керек.
Мәриям:Мен анамды сүйемін, құшағына енемін.
Ақбота:Құтты болсын анашым, құтты болсын мерекең.
Қызыл телпек: Ал мен, Әжем мен анама гүлде таба алған жоқпын (көңіл-күйі түсіп.)
Тәрбиеші: (Басынан сипайды) Қызыл телпек, сен күннен көмек сұрап қарашы. Ол саған міндетті түрде көмектеседі деп ойлаймын.
Күнге: Жарқыраған,
Сүйкімді,
Мейірімді,
Нұрын төккен, күнім сен маған көмектесші!
(Әуенмен залған екі нұрлы қояндар кіріп келеді.)
Нұрлы қояндар: Сәлеметсізбе балалар! (Балалармен амандасады)
Сәлеметсіздерме қадірменді қонақтар! Сіздерді көрмегенімізге қуаныштымыз. Бізді Күн көмекке жіберді.
Сендер де қандай жағдай болып қалды?
Тәрбиеші: Қызыл телпек әжесі мен анасына гүл сыйламақшы болған екен, бірақ ауа-райына байланысты ма? Ол гүл таба алмай жүр.
Нұрлы қояндар: Олай болса бәріміз бірге ауа-райын жылытайық. Балалар ауа-райын жылытуға сендер бізге көмектесесіңдер ме?
Балалар: Иә.
Нұрлы қояндар: Қызыл телпек, ал сенше?
Қызыл телпек: Иә, әрине.
Қызыл телпек: Олай болса бәріміз бірге ана туралы ән шырқайық.
Ән: «Ақ мамам»
Ел жатқанда жатпаған,
Мен деп тыным таппаған.
Бақыты үшін баланың,
Аман сау жүр ақ мамам!
Қ/ сы
Күлімдеген көзіңнен,
Күн мейрімі сезілген.
Бұл жалғанда балаға,
Жақын жан жоқ өзіңнен,
Жақын жан жоқ өзіңнен.
Көрсетемін күнімді,
Жарық еткен күндерді.
Бір сырып мен сыйлаймын,
Жұрт көрмеген күндерді.
Қ/ сы
Күлімдеген көзіңнен,
Күн мейрімі сезілген.
Бұл жалғанда балаға,
Жақын жан жоқ өзіңнен,
Жақын жан жоқ өзіңнен.
Нұрлы қояндар: Қандай керемет!
Қарақшы: Сәлеметсіздер ме!
Тәрбиеші: Сәлеметсіз бе, сіз кімсіз?
Қарақшы: Мен қарақшымын.Мен көңілді күлкіні, барлық жақсы мерекелерді жақтырмаймын. А-а-а бұл жерде жаман қояндар да бар екен ғой. Қазір мен оларды қуып жіберейін.(қуып жібереді.)
Қызыл телпек: Сен не істедің? Енді күн жерді жылытпайды. Мен анама гүл сыйлай алмаймын ғой!
Жүргізуші: Қарақшы! Сенің көңіл-күйіңді қалай көтеруге болады. Саған біздің балалар мерекеге дайындаған «Топ –топ» әнін кимылымен орындап берейік, мүмкін балалардың өнері ұнап қалар.
«Топ-топ » әні (қимылымен).
Қарақшы: Тапаншасымен аспанға оқ атады.
Ой маған өте қатты ұнады, менің көңіл-күйім көтерілді! Сендер өнерлі балалар екенсіңдер! Мен қателесіппін.Мен барып қуып жіберген қояндарымды тауып әкелейін. Сау болыңдар балалар!
Жүргізуші: Қызыл телпекке қарап, уайымдама! Біз бірдеңе ойлап табармыз (сол кезде әуенмен қояндар және гүл патшайымы бір уыс гүлмен кіріп келеді)
Гүл патшайымы: Сәлеметсіздерме балалар! Сәлем құрметті қонақтар! Мен гүл патшайымымын! Сендерді көргеніме қуаныштымын, мерекелерің құтты болсын!
Көңіл-күйлерің барлық кезде осындай көтеріңкі болсын! Нұрлы қояндарды өзіммен бірге ертіп келдім.
Мен сендерге арнап «Қыздарға гүл сыйла» ойынын алып келдім.
Менімен ойын ойлағыларың келе ме?
Ойын: «Қыздарға гүл сыйла»
Ойынның шарты: Ортада екі үстел тұрады. Үстінде гүл, моншақ, сөмке, қалпақ тұрады.
Сол үстелге қарама-қарсы қыздар тұрады. Ойынға екі бала қатысады. Ұл балалар үстел үстіндегі заттармен қыздарды жарысып безендіреді.
Қызыл телпек: Гүл патшайымы! Сізге кездескенімізге сондай қуанып тұрмын. Мен анама, әжеме гүл сыйлау үшін әдемі гүлдерден жинап алып келейін.
Қош сау болыңыз!
(Қызыл телпек балалармен қоштасып, рахметін айтып шығып кетеді.)
Жүргізуші: Рахмет саған, Гүл патшайымы! Көктемді алып келіп, біздің көңіл-күйімізді көтергенің үшін. Ендеше біз көктемге арнап әнімізді айтып берейік.
Ән: «Көктем келді»
Көктем келді
Көктем келді,көктем келді,сағына,
Бүршік атты,алма ағаштар бағында.
Біздің үйге ұя салды,алақай!
Былтыр кеткен қарлығаштар тағыда.
Қ/сы
Дала гүлге оранады,
Түрлі-түске боянады.
Нұрлы көктем келген кезде,
Табиғатта оянады.
Көктем келді, көктем келді далама,
Қуанып жүр ата –анада, балада.
Қар-мұз еріп,жылғалардан су ағып,
Үйрек қаздар жайылып жүр далада.
Қ/сы
Дала гүлге оранады,
Түрлі-түске боянады.
Нұрлы көктем келген кезде,
Табиғатта оянады.
Гүл патшайымы: Ой, өнерлі екенсіңдер, көп-көп рахмет сізерге. Менің кетуім керек. Келесі кездескенше сау болыңыздар!
Тәрбиеші: Сау болыңыз! Осымен біздің №5 I кіші тобының «Наурыз – көктемнің көңілді мерекесі!» атты ертеңгілігіміз аяқталды. Көңіл бөліп келгендеріңізге көп-көп рахмет! Біздің балаларымыздың өз қолдарымен жасаған сыйлықтары бар, соны табыс етуге рұқсат етіңіздер!
(Балалар аналарына сыйлық табыстайды)
460
116 418 
