Դասի պլան՝ 8 թիվը և թվանշանը

Առարկա՝ Մաթեմատիկա Ամսաթիվ՝ _____________________

Դասարան՝ 1

Դասվար՝ Դ.Ճարատանյան

Դասի տիպը՝ 1-ին օր՝ հաղորդման դաս, 2-րդ օր՝ ամփոփման դաս

Թեմա՝ 8 թիվը և 8 թվանշանը

Նպատակ՝

1. Կճանաչեն ու կգրեն 8 թիվը։

2. Կկարողանան 8 թիվն օգտագործել խմբում առարկաների քանակը հաշվելու, շարքում առարկաները համարակալելու համար։

3. Կզարգացնեն երկրաչափական պատկերները ճանաչելու և տարբերակելու կարողությունները։

4. Կիմանան 8 թվի ստացումը։

5. Կծանոթանան 8-ի կազմության դեպքերին։

Դասին կիրառվող մեթոդները – Մտագրոհ, Կանխագուշակում

Դասի ընթացք.

1. Բանավոր հարցում

2. Նախապատրաստում նոր նյութին

3. Նոր նյութի հաղորդում

4. Ամփոփում

Խթանում. Կատարել բանավոր հաշիվ անցած նյութերի շուրջ։

Առաջարկել հանելուկներ, որոնց միջոցով էլ գուշակում են, թե դասի թեման որն է լինելու և ինչ են սովորելու։

-Այն ի՞նչն է, ինչը՝ 8 ոտ ունի,

Բնակիչ է ծովի հատակի։

Տեղեկություններ ութոտնուկի մասին։

-Ե՛վ որսորդ է, և՛ ջուլհակ,

Որս է անում մեն-մենակ։

Տեղեկություններ սարդի մասին։

Ութոտնուկի և սարդի ոտների քանակով գուշակել դասի թեման։

Ֆիզկուլտ դադար

Իմաստի ընկալում

Ցուցադրել 8 թվի թվապատկերը, սովորեցնել ոտանավորը։

Կատարել դասագրքի 3-րդ և 4-րդ առաջադրանքները։

Ցույց տալ 8 թվանշանի գրելաձևը։

Կատարել դասագրքի 5-րդ առաջադրանքը։

Էկրանին ցույց տալ 8 թվի կազմությունը պատկերող նկարները, մեկնաբանել, գրատախտակին գրել տալ յուրաքանչյուր նկարին համապատասխան թվային արտահայտությունը։

Կշռադատում

Ցուցադրված նկարներում գտնել և նշել այն խումբը, որտեղ պատկերված է 8 առարկա։

Գրատախտակին գրել բառաշարքերը և առաջարկել գտնել այն բառերը, որոնք ունեն 8 հնչյուն։

Ժամացույց ժապավեն
օրորոց նահապետ
ժամանակ ժամացույց
լուսատտիկ ցանկապատ

Գտնել օրինակներից յուրաքանչյուրի պատասխանը։

2 + 6 6
7 – 5 7
8 – 1 8
3 + 3 3
5 – 1 2
8 – 5 4

Ամփոփում- Երեխանե՛ր, ո՞ր թիվը սովորեցինք: Ինչպիսի՞ թվերից է կազմված 8 թիվը: Կկրկնեն անցած նյութերը։

2