Чоалхане-карара предложенеш.

Тема : Чоалхане-карара предложенеш.

Лоарх1ам: ЧКП бола кхетам балар дешархошта;патриотически кхетам балар;нийса яздара навыкаш шаьръяр .

Гойтара г1ирс: тесташ,карточкаш,перфокарточкаш

Урока никъ :

I Кийчо ю ха.

II Ц1аг1ара болх тахкар :1.Упр № 289( 4-7 ).

III Дешай диктант :горинг(да,да)-курятник;хьунб1ар-фундук;дег1акхувла, мецъеннай,английски, горсинг (да)-з1амига говрг,

IV.Тохкамаш :1.с.:1а тховсара бакъдар яьхад,сесаг.(З.М.) 2.м.:1а. 3.ф.:яьхад.

V.Урока темацара болх:

1) Урока тема ювц. ( Кертерчеи цхьан е массехк т1атохача предложенеех латтача предложенех ЧКП оал. Кертера предложении оал,т1атоха предл. шийна кара а йолаш,ше кхыча предложене кара а йоацаш йолча предложенех. Т1атоха предложени оал,кертерча предложенена кара а йолаш,из е цун цхьа маьже кхетаяйташ йолча предложенех. Уж ший ма1анга диллача массаза кертерча предло-жене моллаг1ча цхьан маьженаца бувзам болаш,из кхетаяйташ а, цо оттадаьча хаттара жоп луш а хул.Т1атоха предложенеш,ший ло1аме йолаш, къаьстта д1аала йиш йолаш хилац.Т1атоха предложе-ней ц1ераш цхьалханеча предложеней маьжений яраш санна я.:карарчун т1атоха предложени,кхоача-ма т1атоха,моттига т1атоха,дара-куца т1атоха,бахьана т1атоха,дагалоацама т1атоха ..Т1атоха пред-ложенеш маьженах къоасталу цун чулоацам дукхаг1а,шераг1а хиларца: Шийна нах гонахьа баьлча, хьахаттарга ца хьежаш,хьунаг1а шийна б1аргадайнар д1адувца волавелар з1амига саг.

Цхьан кертерча предложенеца бувзам болаш,массехк т1атоха предложенеш хила тарлу: Со мукъа а хуле,1а билет а эце,вай театре г1оргда.

2) А.Боковс яздаьча романа т1ара ЧКП д1аязъе,т1атохача предложенешта к1ал така хьакха: Ц1ен юкъера ши б1арг а ца боаккхаш,шорттига д1ат1авахар из.Г1аш ца вохалуш к1аьдвелча,нанас ги вол-лаш хиннав Беки. Новкъа д1а-хьа водар карта юхе те1,цига дуккха екъаг1а йоландаь. …

3) Упр №298. Т1ера хьаязде, к1ал така хьакха карарча предложенешта: Из тешаш вар,салтечо шийна т1адилла декхар кхоачашдара,ше кховерг ца хиларах. и.д1.

4) Хьаязде цу текста юкъера алапаши оазаши цхьатарра доаца дешаш.

5) Х1анз хьаязде деррига мукъаза алапаш къора дола дешаш:тешаш, и.д1.

6) Малаг1а дешаш да дешхьалхе т1акхетарца хьахиннар ?

а).йи1иг, б).болх, в).кулгалхо, г).д1авода .

VI 1омадаьр ч1оаг1дир.

VII.Ц1аг1ара болх : § 50. Упр № 300.

VIII Урока корта бар.