Բաց դասի պլան մայրենիից

Առարկա՝ Մայրենի

Դասարան՝ 3-րդ

Թեման՝ Եզոպոսի Հնարամիտը առակը

Դասի տիպը՝ ամփոփում ԽԻԿ համակարգով

Նպատակներ և խնդիրներ

1. Գիտելիքների համակարգ

• հասկանալով, արտահայտիչ կընթերցեն երկխոսությունները՝ ամրապնդելով հերոսներին իրարից տարբերելու կարողություններ

• ստեղծագործաբար կվերարտադրեն առակի բովանդակությունը ՝ վերաբերմունք դրսևորելով հերոսների վարքագծի վերաբերյալ

2. Կարողությունների և հմտությունների համակարգ

• կկարողանան հերոսների մասին տեղեկություններ քաղել ընթերցածից

• կկարողանան դատողություններ անել առակի բովանդակության շուրջ

3. Արժեքային համակարգ

• դաստիարակել բարեկիրթ վարքագիծ

• հասկանալ, որ ամեն ինչ չափի մեջ է գեղեցիկ

• երբեք չչարաշահել ոգելից խմիչքը, հակառակ դեպքում, այն կունենա վատ հետևանքներ

• կրկնել և ամրակայել առարկա, գործողություն և հատկանիշ ցույց տվող բառերի վերաբերյալ ունեցած գիտելիքները

Դասի ընթացքում կիրառվող մեթոդներ և հնարներ՝ մտքերի տարափ, զրույց, հարց ու պատասխան, T-աձև (երկսյուն) աղյուսակ

Խթանման փուլ

Մտագրոհի մեթոդով կրկնել ժողովրդական բանահյուսության նմուշներից առակի վերաբերյալ գիտելիքների իմացությունը.

ասացվածք պատմություն

իմաստություն ԱՌԱԿ խրատ

հնարամտություն զրույց

• Ո՞րն է այսօրվա մեր դասը:

• Ո՞վ է գրել Հնարամիտը առակը:

• Ո՞վ է Եզոպոսը:

• Ի՞նչ է առակը: (Ներկայացնել)

Սովորողները ներկայացնում են նախորդ դասերի ընթացքում առակների մասին իմացած տեղեկությունները

-Առակն այն փոքրածավալ ստեղծագործությունն է, որն ունի խրատական բովանդակություն: Այն իրական կյանքն ու մարդկանց ներկայացնում է այլաբանորեն:

-Առակներն անսպառ աղբյուրներ են, որոնց ամեն մի կաթիլը մի խրատ է, իմաստուն խոսք:

-Ողջ կյանքում մեզ խրատում են,

Առակները, առակները, առակները:

Ուր խոսում են, զրուցում են

Ե՛վ բույսերը, և՛ մարդիկ, և՛ կենդանիները:

-Առակները զրուցում են դարեդար,

Ցույց են տալիս լավն ու վատը:

Կարդանք մենք միշտ առակները,

Հիշենք նրանց խրատները:

- Առակագիրներ են Մխիթար Գոշը, Վարդան

Այգեկցին, Մկրտիչ Կորյունը, Իվան Կռիլովը և

ուրիշներ:

Սակայն առակների ամենահին հեղինակը հույն Եզոպոսն էր՝ տգեղ կերպարանքով չափազանց իմաստուն մի ստրուկ: /այստեղ կարող ես Եզոպոսի նկարներից մեկը տեղադրել/

Առակը բաղկացած է լինում երկու մասից: Առաջինը պատմությունն է՝ դեպքերի համառոտ նկարագրությունը: Պատումին հաջորդում է սեղմ եզրակացությունը՝ խրատական խոսքը:

Առակներում հանդես եկող կենդանիների, բույսերի, տարբեր առարկաների և բնության երևույթների միջոցով ակնարկվում են մարդիկ իրենց դրական և բացասական կողմերով:

Իմաստի ընկալում

Իրար շարունակելով կկարդան առակը: Կստանան անհատական քարտային առաջադրանքներ.

Շարունակի՛ր միտքը՝ գրել ևս 2-3 նախադասություն:

1. Կովը, եզը, շունը վիճում էին: Ամեն մեկը, հիշատակելով իր կատարած աշխատանքը, պնդում էր, թե իբր տերն ամենից շատ իրեն է սիրում: Այդ պահին______________

________________________________________________________________________________________________________________________________________________________________________________________________________________________

2. Հայրիկս անտառից մի փոքրիկ նապաստակ բերեց: Մենք վազեցինք միջանցք՝ տեսնելու անտառից եկած հյուրին: Նա այնպես վախեցած էր նայում մեզ,_________________

__________________________________________________________________________________________________________________________________________________________________

Ավարտի՛ր նախադասությունները:

ա) Մի անգամ ծաղիկը պատմեց մեղվին, թե ________________

________________________________________________________

բ)Հեռու սարերի հետևից երևաց արեգակը, և _______________

________________________________________________________

գ) Փոստատարը շարունակում էր թակել դուռը, սակայն______

________________________________________________________

դ)Մեքենաները կանգնում են փողոցում, երբ________________

________________________________________________________

Գրի՛ր տրված բառերի հոմանիշները.

սպիտակահեր-

կածան-

լուսաբաց-

նիրհել-

ջերմ-

Գրի՛ր տրված բառերի հականիշները.

կեղտոտ-

տգեղ-

ջանասեր-

ճշմարտախոս-

ծիծաղել-

Կատարել ֆիզկուլտ դադար, այնուհետև բեմականացնել առակը:

Կշռադատում

Հավաքել քանդված առակները: Ընտրել բնագրին համապատասխանող առածը:

կատարել Մի՛

կարող ինչ

Շա՛տ քի՛չ

խոստացիր լսիր;

այն խոսիր:

չես

• Ինչո՞ւ Քսանթոսն անհեթեթ պայման կապեց:

• Եթե հարբած չլիներ, Քսանթոսը նման պայման կկապե՞ր կարծիքներ հայտնել:

• Ինչպիսի՞ հնարամտությամբ Եզոպոսը փրկեց Քսանթոսին:

• Եթե քեզ դիմեր, դու ի՞նչ հնարամիտ տարբերակ կառաջարկեիր:

Բնութագրել Եզոպոսին և Քսանթոսին, լրացնել T-աձև աղյուսակը:

• Ո՞րն էր նրա սխալ վարքագիծը

• Ինչո՞ւ ես այդպես կարծում:

• Ի՞նչ վատ սովորություն ցուցաբերեց Քսանթոսը:

Կարելի է սովորեցնել հետևյալ երգը՝

Մի թասը լավ է, երկուսը բավ է,

Բայց լավ իմացի՛ր երրորդը ցավ է:

Ով խմում է հատիկ-հատիկ,

Նա դառնում է նշան հատիկ:

Ով խմում է բազմապատիկ,

Նա դառնում է պատեպատիկ:

Մի թասը լավ է, երկուսը բավ է,

Բայց լավ իմացիր երրորդը ցավ է:

Խմբային աշխատանք. քննարկել՝

Քանի դեռ խոսքը բերանումդ է, դո՛ւ ես նրա տերը: Երբ բերանիցդ դուրս եկավ, նա՛ է քո տերը առածը և գրել Հրաշք տետրում:

Գնահատում:

Տնային հանձնարարություն. սովորել պատմել, կատարել առ. 4-ը՝ լրացնել խաչբառը առարկա ցույց տվող բառերը տողերում, իսկ հատկանիշ ցույց տվող բառերը՝ սյունակներում. քահանա, խորամանկ, հավատարիմ, սեղան, մեղմ, հին, ակնամոմ, ժողովուրդ: