Բառագործածության սխալներ

Նա մեղանչում էր իր կատարած հանցանքի համար:

մեղա գալ, զղջալ, ափսոսալ

Դարավոր կաղնին շառաչունով տապալվեց հուժկու հողմից:

շառաչուն- ածական շառաչյուն- գոյական

Ձեռքերն այրելով` փոքրիկը ակութից հանեց խորոված սունկը:

ակութ-օջախ անութ-թևատակ

Արքայադուստրը շտապ հագավ նախշազարդ մույթերը:

մույթ- կամարակալ մույկ- կոշիկ

Եռօրյա գինարբուքից հետո քնել էր` գահավորակի բարձերին ընկողմանած:

գինարբուք- խրախճանք գինարբուկ- ծաղիկ

Այդ պայծառ, շքեղ այգաբացին հայոց երկնակամարի վրա կարծես ծիածանն էր շողում:

այգաբաց- առավոտ այգեբաց -գարնան աշխատանքները սկսելու ժամանակը

Իշխանուհին հիացած շուռումուռ էր տալիս գինու ոսկեձույլ սկահակը :

սկահակ -գավաթ ստահակ- ստոր

Մենք հրավերք ենք ստացել` մասնակցելու հարսանեկան արարողությանը:

հրավեր -կոչ, կանչ հրավերք -խնջույք

Արսենը թախիծով թոթովեց ուսը և հեռացավ:

թոթովել- կմկմալ թոթվել -շարժել

Ճամփորդը ամուր բռնել էր կողքից կախված մախաթը , որի մեջ էր թանկարժեք գանձը:

մախաթ -ասեղ, հերյուն մախաղ -ուսապարկ

Նա թրի շեղջը մտցրեց տերևների կույտի մեջ և սկսեց ցրիվ տալ` որոնելով դրամը: :

շեղջ -կույտ շեղբ- սայր

Գուսանները երգում էին ծնծղայի, բամբիշի և փանդիռի նվագակցությամբ:

բամբիռ- հնօրյա նվագարան բամբիշ -դշխո, թագուհի