Баа коюнун нормалары

«5»деген баа

окуучулардын төмөндөгүдөй оозеки жооптору үчүн коюлат:

• программада жана окуу китебинде каралган материалдардын мазмунун

толук ачып бере алса; математикадагы материалды, предметке тиешелүү терминдерди жана символикаларды так колдонуу менен логикалык ырааттуулукта түшүндүрө алса;

• жоопторго тиешелүү чиймелерди, графиктерди туура аткара алса;

• теорияны так мисалдар менен иллюстрациялоо билгичтигин көрсөтсө жана теорияны практикалык тапшырмаларды аткарууда жаңы кырдаалдарда пайдалана алса;

• мурунку алган билимин өздөштүрүүсүн, суроого жооп берүүдө тийиштүү билгичтиктерин, көндүмдөрүн көрсөтө алса;

• мугалимдин жетектөөсүз өз алдынча жооп бере алса;

«4» деген баа

окуучулардын төмөндөгүдөй оозеки жооптору үчүн коюлат:

• «4» деген баа негизинен «5» деген баа үчүн коюлган талаптарына жооп берсе, бирок төмөндөгүдөй жетишпегендиктеринин бирөөсү болсо;

• баяндоодо математикалык мазмунду бузбаган кээ бир каталарды кетирген болсо;

• негизги мазмунду ачып берүүдө мугалимдин талап кылуусу менен оңдолгон бир, эки жетишпегендиктер болсо;

• кошумча суроолого жооп берүүдө ката же бир, эки жетишпегендиктер болуп, бирок мугалимдин эскертүүсү менен оңой оңдосо.

«3»деген баа

окуучулардын төмөндөгүдөй оозеки жооптору үчүн коюлат:

• окуу материалын толук ачып бере албаса, мазмун ыраттуу эмес бөлүп айтылса, бирок программадагы материалды улантып өздөштүрө ала тургандыгын, суроонун жалпы түшүнгөндүгүн жана билимин көрсөтө алса;

• математикалык түшүнүктөрдү аныктоодо, терминдерди, чиймелерди, графиктерди колдонууда ката кетирсе, аларды мугалимдин жоопко түрткү берүүчү суроолорунан кийин гана оңдосо;

• теорияны практикалык тапшырмаларды аткарууда жаңы кырдаалдарда пайдалана албаса, бирок берилген тема боюнча сөзсүз аткарылуучу талаптарга тиешелүү тапшырмаларды аткара алса;

• теориялык билими жетиштүү болгону менен толук калыптандырылган билгичтиктери жана көндүмдөрү жетишсиз болсо.

«2» деген баа

окуучулардын төмөндөгүдөй оозеки жооптору үчүн коюлат:

• окуу материалынын негизги мазмунун ачып бере албаса;

• окуу материалынын негизги же маанилүү бөлүгүн түшүнбөгөндүгү жана билбегендиги байкалса;

• математикалык түшүнүктөрдү аныктоодо, терминдерди, чийүү, графиктерди колдонууда кыйналса же ката кетирсе, аларды мугалимдин жоопко түрткү берүүчү суроолорунан кийин да оңдой албаса.

«1» деген баа

окуучулардын төмөндөгүдөй оозеки жооптору үчүн коюлат:

• эгерде окуучу окуу материалынын мазмунун толук билбегендиктери байкалса «1» деген баа коюлат.

«5» деген баа

окуучулардын төмөндөгүдөй жазуу жүзүндөгү текшерүү иштери үчүн коюлат:

жазуу ишиндеги берилген тапшырма толук аткарылса;

• маселени чыгаруунун кадамдарын негиздөөдө жана логикалык талкуу жүргүзүүсүндө каталар жана жетишпегендиктер жок болсо;

• маселени чыгарууда математикалык каталар жок болсо ( бир так эместик, жазууда ката болушу мүмкүн, бирок алар материалды толук түшүнбөгөндүктөн же билбегендиктен эмес кетирилген );

• тапшырманы чыгаруунун рационалдуу жолун колдонуу менен чыгарса;

• берилген тапшырмаларды так чыгарып жоопторун так жаза алса.

«4» деген баа

окуучулардын төмөндөгүдөй жазуу жүзүндөгү текшерүү иштери үчүн коюлат:

• иш толук аткарылса, бирок чыгаруунун кадамдарын негиздөөдө жетишпегендиктер болсо ( эгерде талкулоону негиздөө билгичтиктери текшерүүнүн максаты болбосо);

• сүрөттөрдө, чиймелерде, графиктерде 2-3 жетишпестиктер болсо, же 1 ката кетирлсе (эгерде ушул жумуштардын түрү текшерүүнүн максаты болбосо);тапшырманы чыгарууда рационалдуу жолду колдонуп чыгара албаса;

• берилген тапшырмаларды так чыгарып жоопторун так жаза алса.

«3» деген баа

окуучулардын төмөндөгүдөй жазуу жүзүндөгү текшерүү иштери үчүн коюлат:

• сүрөттөрдө, чиймелерде, графиктерде, 2-3 жетишпестиктер болсо,

1 ката кетирилсе, бирок берилген тема боюнча негизинен окуучу билимдерине, билгичтиктерине коюлган талаптарга ээ болсо;тапшырманы чыгарууда рационалдуу жол менен чыгара албаса

«2» деген баа

окуучулардын төмөндөгүдөй жазуу жүзүндөгү текшерүү иштери үчүн коюлат:

• кетирилген каталары берилген тема боюнча окуучунун билимдерине, билгичтиктерине коюлган талаптарга ээ болбогондугу көрүнүп турса;

• тапшырманы чыгарууда орчундуу каталар кетирилсе;

• тапшырманын жообу туура эмес болсо;

• математикалык символдор туура эмес жазылса жана математикалык терминдер туура эмес колдонулса;

• тапшырмада 5 же андан ашык каталар кетирисе

«1» деген баа

окуучулардын төмөндөгүдөй жазуу жүзүндөгү текшерүү иштери үчүн коюлат:

• берилген тема боюнча окуучу билим билгичтиктерине коюлган

талаптарга толук ээ болбогондугун көрсөтсө;

• тапшырманы толук чыгарбаса же жооптору туура эмес болсо.