Այբբենարանի վերջին դաս

ԲԱՑ ԴԱՍ

ԴԱՍԱՐԱՆ `1-ին

ԱՌԱՐԿԱ` «Մայրենի»

ԹԵՄԱ` Հրաժեշտ «Այբբենարանին»

ՈՒՍՈՒՑԻՉ` Չաղարյան Ա.

2015-2016 ուստարի

Դասի թեման` Հրաժեշտ «Այբբենարանին»

Դասի նպատակները` Ուսուցանել մի շարք բառերի ուղղագրությունն, ինչպիսիք են այսօր, վերջին , էջդ, այբբենարան, ճամփա, սուրբ: Զարգացնել վարժ և առոգանությամբ ընթերցանությունը, , ամրապնդել աշակերտների գիտելիքները Մ. Մաշտոցր, հայոց գրերի գյուտի, հայոց լեզվի մասին, արժևորել և կարևորել երեխաների կյանքում այբբենարանի դերն ու նշանակությունը:

Դասի կահավորունը` Տառադարան, այբբենարան և մի շարք այլ գրքեր, Մ. Մաշտոցի մեծադիր նկարը, երգ այբուբենի մասին, գունավոր թղթեր և կավիճ:

Դասի ընթացքը:

Բանավոր հարցուպատասխանի միջոցով աշակերտները վեր են հիշում «Այբբենարանը» դասը: Աշակերտները կկարդան դասը` շարունակաբար և դերերով: Հարցերի միջոցով դասն ամփոփելուց հետո Տ-աձև աղյուսակի մեթոդով կամփովի դասը , աշակերտները կնկարագրեն հաստ գրքն ու այբբենարանը :

Հաստ գիրք Այբբենարան

հաստ բարլիկ

անհանգիստ հանգիստ

գոռոզ զիջող

Ուսուցիչ.

_ Դե եկեք միասին արտասանենք հայոց լեզվի տառերը:

Մարզադադար: Մարզադադարը կատարվում է փոքրիկ երգ-պարի միջոցով:

Նոր դասանյութի հաղորդում:

Մինչ նոր դասին անցնելը անդրադարձ է կատարվում անցածին` խոսելով Մ. Մաշտոցի, տառերի գյուտի մասին, ձայնավոր ու բաղաձայն հնչյունների, կետադրական նշանների և այլն-ի մասին:

Խթանում: Ուսուցիչ.

_ Ինչպիսի՞ն է այբբենարանը, որով մինչ հիմա մենք ուսուցանվում էինք /նկարագրել/:

_ Ի՞նչ սովորեցինք ու վերցրեցինք այբբենարանից:

_ Եթե հրաժեշտ տալու լինեք, ինչպե՞ս հրաժեշտ կտաք այբբենաբանին:

/հնչում են աշակերտների պատասխանները/

Աշակերտների պատասխանները լրացվում և ամբողջացվում է ուսուցչի կողմից:

Իմաստի ընկալում:

Թակում են դասարանի դուռը, ներս են մտնում այբբենարանիկը և մի աշակերտ-աղջնակ, հղում են իրենց ողջույնի խոսքը աշակերտներին, աշակերտը արտասանում է «Հրաժեշտ «Այբբենարանին»» բանաստեղծությունը: Այնուհետև ուսուցիչը աշաակերտների ուշադրությունը հրավիրում է գրքի նկարի վրա: Մի քանի րոպե նկարը դիտելուց հետո աշակերտները պատմում են նկաի բովանդակությունը: Որից հետո ուսուցիչը ընթերցում է բանաստեղծությունը, կատարվում է բառային և ուղղագրական աշխատանք:

Կշռադատում:

Հնչում են ամփոփիչ հարցեր տեքստի շուրջ.

_ Ի՞նչ էր տեղի ունենում փոքրիկի կյանքում:

_Ինչպիսի՞ն էին հայերենի տառերը:

_ Ինչի՞ միջոցով էր գրում ու կարդում աշակերտը:

Դասը ամփոփվում է խաղ-մրցույթով շարքերի միջև. յուրաքանչյուր շարքի համար գրատախտակին գրվում են խառը տառեր, որոնցով աշակերտները պետք է կազմեն բառեր, իսկ բառերով՝ բառակապակցություններ:

Դասի արդյունքում յուրաքանչյուր աշակերտ գիտակցում և կարևորում է Մ. Մաշտոցի կատարած սուրբ գործի դերն ու նշանակությունը ամեն հայի կյանքում, հասկանում է, որ այբբենարանից է սկսվում յուրաքանչյուր աշակերտի տառաճանաչությունը և գրաճանաչությունը, ձևավորվում է խնամքով վերաբերմունք գրքի նկատմամբ, և յուրաքանչյուր աշակերտ ձևավորվում է որպես իսկական հայ, քաղաքացի և Հայաստանին արժանի զավակ: