Ата-аналарға кеңес

Қашықтан оқыту жағдайында ата-аналарға кеңес

Шәкерім атындағы орта мектебінің педагог-психологы Скаков Серік Тұрарұлы

2019-2020 оқу жылы

Балаңыздың күнделікті қалыптасқан күн тәртібін сақталуына көңіл бөліңіз. Қорқыныш, үрей сезіміне жол бермеңіз. Сіздің көңіл-күйіңіз балаңызға әсер ететінін әсте ұмытпаңыз. Бүгінгі болып жатқан жағдайларға салқынқандылық танытыңыз. Балаңыз вирус жайлы қойған сұрақтарға қысқа да нақты жауап беруге тырысыңыз. Ресми ақпараттар ғана сену керек екенін ұмытпаңыз. Интернеттегі әртүрлі алып-қашпа әңгімелер мен жалған ақпараттарды балаға айтуға, және таралуына жол бермеңіз

Бұл кезең балаңызбен бірге көптеген армандарыңызды жүзеге асыратын мүмкіндік.

Сабақтан бос уақытта:

• Бірге кітап оқып, талқылаңыз.
• Бірге кинофильдер көріп талқылаңыз.
• Балаңызбен бірге спортпен айналысуды да ұмытпаңыз.
• Мүмкіндікті пайдаланып балаңызға үй жұмысына араласуына жағдай жасаңыз.
• Балаңыздың әрбір жасаған іс-әрекетін қолдап, мадақтауды ұмытпаңыз.

Құрметті ата-ана! Өмір болған соң әртүрлі жағдайлар болады. Кез-келген жағдайда балаңыздың қолдаушысы да, жанашыры да, досы да, сырласы да сіз. Бұл күндер де өтер. Жақсы күндер де келер. Біз БІРГЕМІЗ!