Ашық сабақ "Жарқын жаз"

Іс-әрекет

кезеңдері

Тәрбиеші әрекеті

Балалардың

іс-әрекеті

Мотивациялық-қозғаушылық

Ұйымдастыру кезеңі. 1. Балалар шаттық шеңберіне тұрады. Барлығы бірге айтады: Жайқалып жапырақ, Құлпырып қызғалдақ,

Тұратын көз тартып, Жаз келді күншуақ.

Ұйымдастыру-іздестіру

2. Педагог жұмбақ жасырады: Күндер ысып, шөп пісіп, Ел пішенін орады. Бөбектерім, айтыңдаршы, Бұл қай кезде болады? (Жазда)

3. Дәптермен жұмыс: Жаз тақырыбына сурет бойынша әңгіме құрастыру: – Жаз айының басқа жыл мезгілдерінен қандай айырмашылығы бар? – Жазда балалар қайда шомылады?

– Мал қайда жайылады? – Жазғы демалыста қайда барасың?

– Жаз мезгілі несімен ұнайды?

4. Абайдың «Жаз» өлеңін оқып, мазмұнын түсіндіру. Н.Айтовтың «Жарқын жаз» өлеңін жаттау.

– Жаз қалай келді? (жарқылдап)

– Қаздар қалай ұшып келді? (қаңқылдап)

– Көбелектер қайда қонды? (гүлге)

– Не жауады? (жаңбыр)

– Гүлдер несін ашады? (қауызын)

– Ненің төсінде? (жайлаудың)

– Не басталады? (қызық-думан).

5. Дидактикалық ойын: «Жылдың қай мезгілі екенін тап». Ойын шарты: Бірнеше сурет берілген, сол суреттер ішінен жылдың қай мезгілі екенін тауып, әңгіме құрастыру керек.

6. Сергіту сәті: Жаз келіпті дегенше, Алма пісті дегейсің.

Бағымызда ендеше Алма тарту көбейсін.

Жаз келіпті дегенше, Қарбыз пісті дегейсің,

Бақшамызда ендеше Қарбыз жинау көбейсін.

(Қимылмен көрсету).

7. Тыныштық сәті: – Қане, балалар, бір сәт тыныштық сақтап, өзімізді табиғат аясында тұрмыз деп елестетейік. Мейірімді күн шуағы көгілдір көлге шағылысып, жалт-жұлт етеді. Енді сендер суға шомылып, ыстықтағанды басыңдар. Қандай рақат, көңіліміз жайланып, көтеріліп қалды. – Енді осы елестеткен, ойлаған ойларыңмен бөлісейік. Балалар жаз мезгілі туралы өз ойларын айтады.

Жұмбақты шешеді.

Әңгіме тыңдайды.

Өлеңді түсініп, тыңдайды,

жаттайды.

Ойынды ойнайды.

Сергіту сәтін жасайды.

Тыныштық сәтін жасайды.

Рефлексивті-түзетушілік

Оқу іс-әрекетін қорыту: Жаз мезгілі – жылдың ең қызықты кезі. Балалар жазғы демалысқа шығады, суға шомылып, демалатын орындарға барады, кейбір балалар жайлауға ата-әжелеріне барады.