Аннесене халалласа

Аннесене - тӗрлӗ парне

Аннесен уявне халалласа Пушкӑрт шкулӗнче концерт пулчӗ. Курав залне вӗренекенсен амӑшӗсем, кукамӑшӗсем, асламӑшӗсем – тӗрлӗ анне пухӑнчӗҫ. Концертра пур класри вӗренекен те куракансене темиҫе чӗлхепех ӑшшӑн саламларӗҫ, сӑвӑлла ҫепӗҫ сӑмахсем каларӗҫ, анне чӗлхиллӗ юрӑсем шӑрантарчӗҫ, чӑваш, вырӑс, пушкӑрт, удмурд ташшисем ташласа кӑтартрӗҫ, «Ералаш» киножурналтан, «Каллех иккӗ» картинӑран, «Мамы всякие важны, мамы всякие нужны» сӑвӑ-калавран сценкӑсем выляса пачӗҫ, хӑйсен аллипе ӑсталанӑ чечексем парнелерӗҫ. Уявра Пушкӑрт ял тӑрӑхӗнчи «Мерчен» ушкӑнрисем «анне» сӑмах илтнисене – тӑвансем вырне хурсах «Ырӑ кун, тӑван, сана!», хаклӑ та чи ҫывӑх ҫынна аса илсе «Ӳкӗнӳ юрри», кӗрхи юлашки кунӗсене ӑсатнӑ май «Вӗҫсе кайсан кайӑксем», уяв картинчен каяс килменрен «Каяс килмест сиртен уйрӑлса» ятлӑ юрӑсем юрласа пухӑннисен кӑмӑлне тивӗҫтерчӗҫ. Аннесен уявне килнисем тӗрлӗ парнепе киленсе савӑнчӗҫ, асӑнмалӑх тӗрлӗ ӑрурисем фото ӳкрӗҫ.