Ана - өмір бастауы

Мағыстау гуманитарлық колледжі

Тәрбие сағат

Тақырыбы: Ана – өмір бастауы

Практикант: Махмутова М.

Тобы: ШП – 41

Мектеп: № 20

Сынып: 4 «е»

Уақыты: 23. 02. 09 ж.

Әдіскер: Аустниязова Ш.

Мұғалім: Садуақасова Г.

Бағасы:

Әдіскердің қолы:

Ақтау – 2009 ж

Сабақтың мақсаты: Оқушының өз ортасына, отбасына деген сүйіспеншлік,

мейірімділік сезімін ояту. Анасын құрметтеуге,

аялауға, ана еңбегін ардақтап, ұүрметтей білуге

тәрбиелеу.

Сабақтың көрнекілігі: мерекелік құттықтаулар, нақыл сөздер

Сабақтың барысы:

I. Ұйымдастыру кезеңі

Мұғалім: Құрметті ұстаздар мен оқушылар ! Бүгінгі 4 «е» сыныбында өткелі отырған мерекелік кешімізге қош келдіңіздер.

Оқушылар: Үлкенге де Сіз,

Кішіге де Сіз,

Құрметпенен Сіздерге

Бас иеміз біз.

Қайырлы таң !

Қайырлы күн !

Күліп шықты күн бүгін,

Мерекелі осы күн.

Мұғалім: «Ана – өмір бастауы» атты мерекемізді бастамас бұрын сынып ұлдарының қыздарға деген ілтипатын тыңдайық. Ұл балалар қыздарды осындай құрметпен әр үстелге отырғызады.

1 – жүргізуші: (Жанерке) Армысыздар ардақты, ұстаздар !

2 – жүргізуші: (Ильяс) Қош келдіңіздер, жиналған қауым!

1 – жүргізуші: (Жанерке)

Ардақты ана, аяулы ана, қымбаттым,

Тәтті ұйқыңды бөліп талай түн ұаттың.

Өміріме нәрін берді ақ сүтің,

Кең құшағың – аясындай гүл бақтың.

2 – жүргізуші: (Ильяс)

Ер жеткізіп елге берген баласын,

Ақылдысың, ардақтысың, данасың.

Қарайтыным қас – қабағың бір сенің,

Қайратыңнан қайта көрме, анашым.

1 – жүргізуші: (Жанерке)

«Тыныштық сәті». Ана туралы өлең тыңдалады.

2 – жүргізуші: (Ильяс)

Ендігі кезекті ата – ана туралы дана сөздерді жеткізуші ұрпақтарға құлақ түрсек.

Гаухар: Ұл – қыз, ата – анасын, үлкендерді қуанышқа бөлеп, бақытқа кенелтем десе, алдымен әдепті болулары керек. Өз жұмыстарын адал да тыңғылықты атқарса, ата – ананың ұл – қызы болып өседі.

Бекболат: Әдепті, адал ұл – қыздардың міндеті ата – аналарының тірісінде көрсеткен қызметімен бітпейді. Ата – аналарын олар дүниеден қайтқанда да жиі есіне алады.

Айжан: Ата – ананы сыйлау – сәби шағында олар өзіңді қалай бағып қақса, қартайғанда оларды да солай алақанға салып, аялап күту керек.

Бақытбек: Ата – ананың көңілін еш ренжітуші болма, олардың жүрегіне қайғы түсіруші болма.

Маржан: Кейбір тәрбиесіз, арсыз балалар ата – анасына қарсы сөйлеп, тыңдамай жатады. Ондай қылықтардан аулақ болып, ана, әке, апа, қарындас – туыстарыңды сыйлап жүріңдер. Әке – тірегің, қамқоршың, асқар тауың, Ана – жарық дүниеге әкелуші.

Жанболат: Түн ұйқысын төрт бөлген, түнде бесік таянып, түнде шошып оянған ананың ақ мейірімін, ерекше бағаламасаңдар, ол – қорлық.

1 – жүргізуші: (Жанерке)

Ендігі кезекті биге берсек. Мизамбаева Ұлжан мен Бауыржан Гаухардың орындауындағы «Адай» биін тамашалайық.

2 – жүргізуші: (Ильяс)

«Ата – ананың қадірін білмеген – халық қадірін білмес» деген екен қазақтың атақты жазушыларының бірі – Ғабиден Мұстафин.

1 – жүргізуші: (Жанерке)

Шынында да бізге осы жарық дүниені сыйлаған жан кім ? Анамыз !

Камшат: Ана дейміз бәрімізде аңқылдап,

Ана дейді жас сәби де жарқылдап.

Ана деген – бәйтерегі өмірдің,

Ана деген – алтын қазық, алтын бақ.

Айгүл: Талай жыл ұстаз болып,

Еңбек еткен.

Шәкіртіне бүгін де көңілі толып

Гүлбадан апай тамаша біздіңнеткен ?!

Мақсат: Еңбегіңіз еленіп жана берсін,

Завуч апай Рая өзіңіздің.

Көңіліміз дархан бір дала дерсің,

Сол далада іздері сөзіңіздің.

2 – жүргізуші: (Ильяс)

«Қарт пен бала әңгімесі» көрініс.

Қарт – Нұрсерік, бала – Әсет.

Баласы атасына сұрақ қояды.

Әсет: Ата, үйдің алтын қазығы кім ?

Нұрсерік: Балам, үйдің алтын қазығы – ана. Ана ақылды болса, бала дана болады. Ана – ақылшың, әке – қамқоршың.

Нұрсерік: Балам, жоқты бар, ашты тоқ ететін кім екенін білесің бе ?

Әсет: жоқты бар, ашты тоқ ететін мейірімді әке.

Нұрсерік: Жоқ балам, әке қанша мейірімді болса да, ананың жөні бөлек. Ашты тоқ, жоқты бар ететін ол – ана. Анасыз бала ұйықтамайды, қатықсыз айран ұйымайды.

Нұрсерік: Ал балам, өмір сүру үшін не қажет ?

Әсет: Ата, өмір сүру үшін алтын, ақша, мал қажет

Нұрсерік: Жоқ балам, өмір сүру үшін су, от, тұз, ананың ыстық мейірімі қажет. Осы есіңде болсын балам !

1 – жүргізуші: (Жанерке)

«Мен анама тілеймін !» әр оқушы өз анасына мерекелік тілек айтады.

Ендігі кезекті 4 «е» сыныбының оқушысы Құбашева Айжанның орындауындағы «Айгөлек» биін тамашалаңыздар.

2 – жүргізуші: (Ильяс)

Ендігі кезекті 4 «е» сынып оқушыларының орындауындағы әнді тамашалайық. Ш. Қалдаяқов. «Ана туралы жыр»

1 – жүргізуші: (Жанерке)

Бүгінгі біздің «Ана – өмір бастауы» атты тәрбие сағатымызға келгендеріңізге көп – көп рахмет. Келесі кездескенше сау болыңыздар !