5-класс информатика

Числосу 15.01.20 5-классы

Текшерген окуу бөлүмүнүн башчысы _________ Юсупова М

Сабактын темасы: Информацияны коддоо

Сабактын максаты:

А.предметтик – код жана коддоо тууралуу жалпы түшүнүк; коддоонун белгилүү эрежелери боюнча коддоону жана декод-доону билишет;

Б.метапредметтик – информацияны кайрадан коддоонун мейкиндиктик-графикалык же белги-символдук бир форма-сынан башка формасына которуу билгичтигине ээ болушат.

В.жеке инсандык – адамдын жашоосундагы түрдүү коддордун маанисин түшүнүп; информатиканы үйрөнүүгө кызыгышат.

Чечилүүчү окуу маселелери:

1.информация берүү процессин тууралуу билимдерди бышыктоо;

2.окуучулардын айланасындагы коддордун көп түрдөлүгүнө көңүлүн буруу;

3.информацияны коддоонун ролу тууралуу жалпы түшүнүктү калыптандыруу;

4.түрдүү коддордун жардамы менен информацияны коддоого жана декоддоого көнүгүү.

Сабактарда каралуучу негизги түшүнүктөр: шарттуу белги, код, коддоо, декоддоо.

Сабакта колдонулуучу ИКТнын каражаттары: мугалимдин персонал компьютери, мультимедиялык проектор, экран; куучулардын ПК.

Электрондук тиркемедеги материалдар: «Информацияны коддоо» презентациясы.

Сабактын мазмунун баяндоонун өзгөчөлүгү: өздөштүрүлгөн материалдарды актуалдаштыруунун жана текшерүүнүн төмөнкүдөй удаалаштыгы сунушталат:

1.Окуучулар төмөнкү суроолорго жооп берет:

-информация деген эмне?

-информация менен адам кандай амалдарды аткарат?

-адам информацияны кантип сактайт?

- адам информацияны кантип берет?

2.§ 10, 1–13-суроолор боюнча мини-талкуу;

Бул сабакта бизди курчап турган коддордун көп түрдүүлүгүн баса белгилешибиз керек. Жаңы материалды «Информацияны коддоо» презентациясы менен коштоп баяндаса болот.

Бул сабакка 3 практикалык тапшырма кирет. Алардын бир бөлүгү өтө тез аткарылат, айрымдарын үй тапшырмасы катары сунуштоого болот. Тажрыйба көрсөткөндөй, мындай тапшырмаларды балдар жан дили менен аткарышат.

Үй тапшырма: § 10 (1–13) Компьютердик практикум 12-иш. Текстти редакциялайбыз.

13-иш. Тизмекти түзөбүз.